For those who haven’t read the aforementioned story, baka malito kayo at magtaka kung sino sino yung mga nabanggit dito sa chapter na ito.
Also, I deleted my previous update since I accidentaly uploaded it instead of saving as draft.
This is the real Chapter 16 and I hope you enjoy this update. It’s nice to see / write King, Knight and Carla again, especially Frank! *** Kilig ***And this is also the start of the biggest revenge in history of Philippine Teleserye. CHARRRROOOS!
But seriously, revenge is coming at humanda silang lahat sa pagbabalik ni Sophia.
===
===
===
Narrator’s point of view
Kasalukuyang nasa byahe pauwi mula sa otso oras na hike ang mag tyuhing King at Frank Villarin.
Rinig na rinig sa loob ng sasakyan ang malakas nilang boses habang sinasabayan ang kanta ni Andrew E na Banyo Queen. Bukod doon ay umiindayog din ang kanilang mga ulo sa bawat ritmo ng kanta.
Kahit pagod mula sa pamumundok ay bakas sa mukha ng mag tyuhin ang saya at pagka-enjoy sa bonding na ginawa ngayong araw.
“Tito King! Thank you so much for allowing me to hike with you. And thank you for letting me drive your car now. You are the best Tito in the world” masayang sambit ni Frank.
Hinayaan kasi ni King na i-drive ng pamangkin ang kanyang sasakyan kahit na sinabihan siya ni Carla na wag na wag hayaang magdrive si Frank. Natatakot kasi si Carla na baka maaksidente o di kaya makasagasa ang anak kaya naman pinapayagan niya lang itong magmaneho kung kasama ang asawang si Knight.
Pero dahil si King ay si King, at walang sino man ang pwedeng makapigilsa kanya … hindi niya pinakinggan ang kanyang hipag at hinayaan ang pamangkin na magmaneho ngayon. Alam kasi nito na gustong gustong humawak ng manibela ni Frank, at may kakaibang saya ang naibibigay ng pagdadrive para rito. Tsaka kahit naman pasaway si King ay hinding hindi niya hahayaang mapahamak o may mangyaring hindi maganda sa kanyang mga pamangkin. Mahal na mahal niya ang mga ito na parang isang tunay na anak.
“Anong best best Tito in the world? May bayad ito aber!” tawang sagot ni King. “Tsaka wag mong sasabihin kay Mommy mo na pinagdrive kita ngayon ah, kasi mapapagalitan tayong dalawa kung malalaman niya. Lalong lalo na ako! Baka hindi na niya ako payagang dumalaw sa inyo at makita kayo ni Knight Jr.”
Napabungisngis si Frank.
“Syempre naman Tito King, this is going to be our cool little secret. Tsaka ano po ba ang gusto niyong bayad? I will do anything basta wag niyo lang po ako sisingilin ng malaking pera kasi maliit pa lang po ipon ko” dagdag nito.
Natawa si King.
Hindi nito masabi na hindi niya kailangan ng pera dahil marami na siya nun. Halos lahat na yata ng banko sa Pilipinas ay may pera itong naka deposito at marami pang dumarating na salapi sa kanya dahil sa kanyang mga negosyo.
“Naku kung sisingilin kita edi baka wala ng natira diyan sa ipon at baon mo sa school! Mahal kaya ang renta dito sa Explorer ko.hehe” biro ni King. “Pero dahil sinabi mo that you will do anything, hmmmmmmm, gusto ko mag-TIKTOK ka!”
Nanlaki ang mga mata ni Frank at namula ang mukha.
“Gusto ko yung kumakaldag ka sa video para naman mas dumami yung chicks na umaligid sayo. Sayang naman ang pagiging Villarin mo kung hindi mo ipagyayabang yan” dagdag nito.
“Tito Kiiiiiinnnnnnnggggggg!!!!” sigaw ni Frank dahil sa hiya.
“Noong ganyang edad kami ng daddy mo ay patay na patay sa amin lahat ng babae. Araw araw ay may umaaligid at nagpaparamdam sa aming dalawa, at syempre kapag kursunada namin yung chicks ay alam mo na! Ipinaparamdam namin ang langit sa kanila.hehe. Kaya ikaw wag puro aral! Dapat manligaw ka na! Yang edad mong katorse anyos, pwede ng makapagpaligaya ng babae yan!” tawang sambit ni King.
Totoo naman ang sinabi ni King. Kahit katorse anyos pa lamang si Frank ay kita na ang kanyang pagiging magandang lalake dahil nagmana siya sa kanyang ama. At kahit medyo payat pa ito dahil sa kanyang edad ay may mga maliliit na muscle na rin sa kanyang katawan dahil sa pagiging aktibo niya sa pagsasayaw, basketball at hiking.
Bukod sa anyo, gustong gusto rin si Frank ng mga taong nakapaligid sa kanyadahil sa pagiging mapagpakumbaba nito at marunong makipag kapwa tao. Sobra rin siyang matulungin na tipong kakainin na lang niya ay ibibigay niya pa sa mga nangangailangan.
Masasabing napakahusay ng pagpapalaki nina Carla at Knight sa kanilang anak.
“Titoooo Kiiiinng naman eeeehhhhh!!!!!!” natatawang saway ni Frank. “Unang una ay hindi po ako nagtitiktok. At pangalawa ay wala pa po sa isip ko ang pag-gigirlfriend kasi focus muna ako sa pag-aaral. Darating naman po ako sa tamang edad para manligaw ng babae pero sa ngayon ay wala pa po sa plano ko yan.hehe” napasimangot si King.
“Manang mana ka talaga sa Daddy mo! Sobrang good boy!”anito.
Tumawa si Frank at humingi ng pasensya sa kanyang tyuhin.
“Pe-pe-pero secret lang po natin ito Tito King ah. Wag niyo po sasabihin kahit kanino, kahit kayna Mommy and Daddy” tumango si King. “Ka-ka-kasi po a-a-ano ah-eh may crush po ako sa school” nahihiyang pag-amin ni Frank.
Napasigaw si King na akala mo nag bunyi sabay ginulo ang buhok ng nagdadrive na pamangkin.
“Ayuuuunnnn namannnn pala eehhhhhh!!! Kunwari pang ayaw mong mag girlfriend pero may crush ka na pala! Ulooolllll style mo bulok!” sigaw ni King. “At sino naman yang maswerteng classmate mo na yan? Sabihin mo sa akin ano itsura para malaman ko kung kanino ka nagmana ng taste” excited na tanong nito.
Hindi makapagsalita si Frank dahil sa hiya at nagbibigay lang ng tipid na ngiti. Nakatuon lang ang atensyon niya sa daan at nagdadalawang isip kung sasagutin ang tanong ng tyuhin.
“Wag mo akong nginingitian diyan Frank ha. At wag mo akong binibitin sa pagkekwento. Sino yang classmate mo na yan? Ha? Sagot!” huminga ng malalim si Frank bago sumagot.
“Actually Tito, she’s not my classmate … she-she-she’s my te-te-teacher” napaawang ang bibig ni King dahil hindi inaasahan ang narinig.
“Did you just say, TEACHER? CRUSH MO ANG TEACHER MO?!” marahang tumango si Frank. “Tang inuuuhhhhhhh!!!! Manang mana ka kay Knight ah! Anak ka talaga ng Daddy mo! Mahilig sa mas matanda!” natawa si King ng malakas na tila may naalala.
Hindi naman maitago ang hiya sa mukha ni Frank. Ano ba naman kasi ang magagawa niya kung nagagandahan siya sa kanyang teacher? Bukod sa maganda ay mabait pa at parang anghel.
Naalala nito ang itsura ng kanyang teacher at pasimpleng napangiti.
Nagpatuloy sa pagmamaneho si Frank habang inaasar siya ng kanyang tyuhin. Walang tigil siyang inaasar ni King pero hindi siya gumaganti ng pang-aasar. Alam naman kasi ni Frank na maloko at maangas ang kanyang Tito King pero kahit na ganun ay malaki ang respeto niya rito dahil responsable at nakabait nito sa kanila.
Pagkalipas ng ilang minuto ay tumigil sa pang-aalaska si King. Hininaan nito ang tugtugin sa sasakyan bago sumandal sa upuan upang magpahinga. Patuloy pa rin sila sa pagtahak ng masukal na daan na puro puno at malalaking bato ang paligid.
At dahil sa katahimikan ay unti unting nakaramdam ng pagod at antok si Frank.
Napapahikab ito at paminsan minsa’y nabagsak ang pilikmata. Napatingin ito sa kanyang tyuhin na nakapikit kaya naman naisipan niyang pumikit rin dahil derederetso lang naman ang daan at walang tao o kabahayan man lang sa paligid.
Ngunit sa ilang segudong pagpikit ng ng mga mata ay ….
“Fraaaaankkkkkkk looooookkkkkkk ouuuuuttttttt!!!!” sigaw ni King.
Agad na napamulat si Frank at bumusina ng malakas ng makitang may babaeng biglang sumulpot sa kanilang harapan.
Beeeeeeppp!! Beeeeeppppp!!! Beeeeeeppppp!!!
Sobrang bilis ng mga pangyayari at huli na ng maihinto nito ang sasakyan dahil nabangga na nito ang babae at tumilapon papalayo. Napatingin si Frank sa kanyang tyuhin at kita ang pagkagulat sa kanilang mga itsura.
“Ti-ti-to King” takot na sambit ni Frank habang nanginginig na hawak ang manibela. “W-w-what d-did I d-d-do?” tanong nito.
“Ssssshhhhhhhhhh don’t worry, you did nothing. Dito ka lang sa loob and I’ll check what happened out there” agad na lumabas ng sasakyan si King habang si Frank ay pinipigilan ang luha dahil sa sobrang takot.
Gusto rin nitong lumabas at tingnan ang babaeng nasagasaan pero hindi ito makakilos at naestatwa sa kinauupuan. Natatakot itong baka napatay niya ang babae. Gusto nitong tawagan ang ina upang sabihin ang nangyari ngunit pinigilan niya ang sarili dahil ayaw niyang mag-alala ito.
Samantala, si King ay tumakbo papunta sa nakabulagtang babae. Nanlaki ang kanyang mga mata ng makitang wala itong saplot at may mga pasa sa katawan na akala mo pinahirapan.
Agad niya itong pinulsuhan at napahinga ng maluwag ng maramdamang buhay pa ito.
Biglang kinutuban ng hindi maganda si King.
Napatingin ito sa paligid upang mag obserba at nakarinig ito ng sigawan ng mga lalake na tila may hinahabol.
Mas lalong sumama ang kutob ng hari.
Hindi na bago ang ganitong mga kaganapan sa kanya at alam nya na may hindi tama sa mga nangyayari. Mabilis nitong hinubad ang suot na t-shirt upang takpan ang katawan ng babae. Binuhat niya ito at mabilis na ipinasok sa sasakyan.
“Ti-ti-to King? How’s she? Is she still a-a-alive?” nauutal na tanong ni Frank.
“Yes she’s still alive. Magpalit muna tayo ng pwesto okay? I’ll drive and ikaw muna ang magbantay dito sa babae. She’s not in a good shape and she needs to be treated immediately”
“Ti-ti-ti-tito, I-I-I’m scared”
“Sssssshhhhh. Don’t be. Tito King will handle this, okay? Besides, there is nothing that Tito King can’t handle, right?”
Nanginginig na tumango si Frank at nagpalit na sila ng pwesto ng kanyang tyuhin.
Hinarurot ni King ang pagmamaneho upang mabilis silang makalayo sa lugar. Nagdadawalang isip ito kung dadalhin niya sa ospital ang babae dahil baka matunton siya ng mga humahabol sa kanya.
Nangangamba ito na baka malaking tao o di kaya sindikato ang may pakana nito kaya hindi siya pwedeng makipagsapalaran. Mahigpit ang pagkakahawak ni King sa manibela at patuloy pa rin sa pagharurot ng sasakyan. Hindi na ito nakapagsuot pa ng anumang damit at ngayo’y namamaneho habang kita ang moreno at batak na katawan.
Napapatingin siya sa rear mirror upang icheck si Frank at pati ang babae. Kita pa rin sa pamangkin ang takot at ang pagpipigil ng luha kaya naman may kakaibang kurot ang naramdaman niya sa kanyang puso.
Pagkatapos ng mahigit ilang oras na byahe ay dumeretso si King sa bahay nina Frank. Nagdesisyon siyang doon dalhin ang babae upang masigurado na ligtas ito. Tsaka mas malapit ang bahay ng pamangkin kaysa sa kanyang tinitirhan at mas maigi na rin iyon dahil matutulungan siya ng hipag at kapatid.
Agad nitong inilabas ang babae at pumasok sa loob ng bahay.
Bumungad si Carla, ang mas gumandang si Carla Villarin.
“What happened? Who is she?! Nasaan si Frank?” sunod sunod na tanong nito.
“Frank is outside. Call Dra. Mendez! Sabihin mo sa kanya urgent and I need her here NOW!” utos ni King kay Carla na agad nitong sinunod.
Kinuha ng hipag ang kanyang cellphone at tinawagan si Dra. Mendez, ang kanilang private doctor. Habang kausap ni Carla si doctora ay dinala naman ni King ang babae sa loob ng guest room. Pagkatapos makausap ni Carla ang doctor ay tinawagan naman nito agad ang asawang si Knight upang sabihin ang nangyayari.
“Mo-mo-mmoommmyyyyyy”humihikbing sambit ni Frank at mabilis na niyakap ang ina. Niyakap rin siya pabalik ni Carla at hinimas ang likod at ulo. “I’m so-so-sorrryyyyy! I’m so-so-sorrrryyyy! I didn’t mean to…. I-I-I didn’t meeeaaan to” tuluyang bumagsak ang luha nito.
Mukhang alam na ni Carla ang nangyari.
“Sssshhhhhh don’t worry baby. You can tell Mommy everything later, okay? Just go to your brother now and stay with him. Kami na ang bahala dito. Daddy’s on his way home na, so everything’s going to be fine” tumango si Frank at pinunasan ang luha bago tuluyang tumakbo papunta sa kwarto ng bunsong kapatid.
Dumeretso si Carla papunta sa guest room at naabutan niya si King na tinitingnan ang pulso ng walang malay na babae.
“Natawagan ko na si Dra. Mendez. She’s on her way here”ani Carla pero parang walang narinig si King.
Lumapit ito sa kama at pinagmasdan ang walang malay na babae. Bumakas ang pag-aalala sa mukha ni Carla dahil sa itsura ng babae. Halatang hindi maganda ang pagkakapayat nito at mukhang pinahirapan ng kung sino. Napansin din nito ang sugat sa kanyang leeg na parang tina…