“Ma naman nagbibihis pa eh”
Inutusan kasi ako ni mama na sunduin ang nakababata kong kapatid at yong asawa nya sa terminal.
Dahil sa pandemic ay napagdesisyunan nilang dito na muna sa probinsya mamalagi kasama ang anak nila.
Pagkatapos kong mag ayos ay nagmamadali na akong bumaba. Nakapalda lang ako ng mahaba at T-shirt na hindi ikinatuwa ng aking ina. ‘Ito na naman! ‘
“Ay sus naman alice ano ba yang ayos mo kaya walang nanliligaw sayo. Maganda ka naman, matangkad pero tingnan mo nga yang ayos mo, manang na manang. Ana alice mag t-trenta ka na kailangan mo ng katuwang sa buhay”Mahabang lintaya nya na tinirikan ko na lang ng mata.
Nagpaalam muna ako sa kanya bago lumabas ng bahay at sumakay ng tricycle papuntang terminal.
Pagdating ko doon ay wala pa sila kaya umupo muna ako at matyagang naghintay habang nag s-soundtrip.
Pansin ko yong pagtingin sa akin ng mga lalaki. Ngingiti sila pagtumingin sa mukha ko pero ngingiwi pag nakita ang ayos ko kaya di ko na lang pinansin.
Ilang sandali pa ay may narinig na akong tumatawag sa pangalan ko at nakita kong kakababa lang ng kapatid ko sa bus habang buhat nya ang tatlong taong gulang nilang anak. Ang asawa naman nyang si lucas ay dala ang mga gamit nila.
Di ko din maitangging nainggit ako sa kapatid ko dahil sa edad nyang 23 ay nagkapamilya na habang ako mag t-trenta na ni-nobyo ay wala pa dahil sa ayos ko. Anong magagawa ko dito ako komportable.
Masipag ang napapangasawa nya, magaling dumiskarte kaya kahit papano ay umasenso ang buhay nila sa syudad. Kung basehan naman sa itsura di sya ganun ka gwapo pero matipuno naman ang katawan.
“Hoy ate tulala ka na diyan! Sabi ko kumusta na kayo ni mama.”Napakurap ako ng magsalita si ana nasa harap ko na pala sila.
“Ah ayos lang kami, hali na kayo baka nakapaghanda na si mama at baka nagugutom na tong pamangkin ko. Akin na si Nica.”
Kinuha ko ang bata at kinarga. Napatingin ako kay lucas kaya nginitian ko na lang sya na agad naman nyang sinukliaan.
Pagdating namin sa bahay ay nadatnan namin si mama na naghahanda na sa mesa. Kaya tinulungan ko na lang sya at yong mag asawa naman ay pumasok muna sa kwarto nila.
Pagbaba nila ay agad namang kinuha ni mama ang apo nya at pinaupo sa kandungan nya habang sinusubuan.
Nag uusap lang sila habang kumakain na halatang masaya si mama sa mga plano ng mag asawa pag matapos ang pandemya kaya di maiwasan ikumpara na naman ako sa kapatid ko.
“Hay naku lucas, baka may kaibigan ka dyan sa manila erito mo nga tong ate alice mo ng makapag-asawa na. Aba! Baka abutan to ng menopausal.”Inis naman akong napatingin sa kanya.
Tumawa lang ang mag asawa sa sinabi nya pero kita ko yong pagtitig ni lucas sa mukha ko na ikinailang ko.
Pagkatapos namin kumain ay maaga kaming nagpahinga lalo na yong mag-asawa. Pumasok na kami sa kanya kanya naming kwarto at natulog.
~~~~~~~~~~~~
ISANG LINGGO na rin ang nakalipas mula ng dumating ang mag asawa. Napapansin ko din ang palaging pagsulyap o pagtitig ni lucas sa akin na ipinagsawalang bahala ko na lang.
Sabado ng gabi ay dumating yong dating mga kaklase ni ana kaya di maiwasan ang pag-inom na kahit pandemya ay tuloy lamang sila sa kanilang inuman.
Nasa kwarto lang ako at dinig na dinig ko ang usapan nila at tawanan. Nagbasa na lang ako ng novel gang sa antukin ako at nakatulog.
Pag gising ko ay tahimik na sa sala pagtingin ko sa orasan ay mag aalas dose na pala.
Dahil sa naiinitan ako ay napagdesisyunan kong maligo na lang total di na rin naman ako makatulog.
Kumuha ako ng tuwalya at lumabas ng kwarto para maligo…