Ang kuwentong inyong matutunghayan ay hango nga lamang sa malikot kong imahinasyon. At ang mga pangalan at pangyayari sa kuwentong ito na mababanggit ay walang anumang kinalaman sa mga tunay na kaganapan. Kung mayroon mang pagkakahalintulad, ito po’y hindi sinasadya at inihihingi ko rin po ito ng paumanhin. Maraming salamat po….
Ang Simula:
Mula sa isang probinsya kung saan ka makalalanghap ng sariwang hangin dulot ng kalikasan. Matatagpuan ang isang lalake na nagngangalang Mang Fred, may edad 50 anyos at isang biyudo. Halos isang dekada na ang nakalilipas ng masawi ang kaniyang asawa dahil sa isang malubhang karamdaman. At dahil sa wala silang malaking pamemera ay hindi na nagawa pa ng mag-asawa na maipagamot ang karamdamang iyon. Si Mang Fred ay may kaisa-isang anak na babae na nagngangalang Francine may asawa at may isang anak. Subalit isang pangyayari ang sa kanila ay naglayo na ang siya namang dahilan niyon ay ang mismong ama na si Mang Fred. Kaya naman dahil sa ginawa nito ay nagpasya ang anak na lumayo sa ama na sa paglipas ng mga taon ay nakapag-asawa ito at nagka-anak. Hangad ni Mang Fred na mapatawad siya ng anak at muling maibalik ang noo’y kanilang samahan. Subalit sa paglayo nga ng anak ay hindi na alam ng matanda kung saan ito maaaring hagilapin. Hanggang sa mamuhay itong mag-isa, tanging pamamasada ng tricycle ang hanap-buhay ng matanda na kung minsan naman ay nakaka-ekstra ito sa pagmamaneho ng van. At ang kinikita nga lamang nito ay sapat lang sa pang-araw-araw niyang pangangailangan na kung minsan pa ay nagigipit o nawawalan ito. Dangan nga lamang ay mayroon itong nalalpitan at iyon ay ang kaniyang kumpare, kaibigan na si Mang Julio.
At isang araw nga ay nagipit ito at hindi niya rin maipasada ang kaniyang tricycle dahil sa ban ito sa araw na iyon. Nagkataon na kailangan niyang makabayad ng kuryente kung kaya’t gaya ng dati ay nilapitan nito ang kaibigan.
Mang Julio: oh pare, naligaw ka ‘ata? ano bang atin…?! (tanong nito)
Mang Fred: pare…manghihiram sana ako ulit sayo kahit pangkuryente man lang! huwag kang mag-alala, babayaran ko rin naman kapag nagkaroon na ako! (sagot nito)
Mang Julio: naku pare, pasensiya ka na.. wala ako ngayon e! (tila nanglumo naman si Mang Fred pagkadinig nito) alam mo naman na kapag meron ako hindi ka na magdadalawang salita sa kin kaya lang nai-down na kasi namin ni misis doon sa lupang balak naming bilhin! pero sige tingnan ko kung meron yung inaanak mo…
At pagdakay tinawag nito ang anak nitong dalaga na si Katrina na isang guro sa isang pampublikong eskuwelahan. At sa tawag na iyon ni Mang Julio ay lumabas naman buhat sa kaniyang kuwarto ang dalaga. Nakasando ito at short nang lumabas at lumapit sa magkaibigan.
Katrina: Pa bakit ho…? (agad na tanong nito)
Mang Julio: meron ka bang pera dyan? i…