Sophia’s point of view
Pagpasok ko sa loob ng ballroom hall kung saan dinaraos ang contract signing nina King at Adonis ay agad kong nakuha ang atensyon ng lahat.
Sunod sunod na lumingon sa aking direksyon ang mga bisita at kita ang pagkagulat at paghanga sa kanilang mga reaksyon na tila ba nakakita sila ng isang anghel.
Aaminin ko, na-eenjoy ko ang biglaang pagbaling ng atensyon ng mga tao sa akin. Ganito ko kasi pinlano ang aking muling pagbabalik. Gusto kong makita ako ng lahat, lalong lalo na nina Adonis at Magdalena. Gusto kong maramdaman nila ang aking presensya sa aking muling pagpasok sa kanilang mga buhay.
Marahan akong naglakad papalapit kay King, kung saan bumaba siya ng stage upang antayin ako roon.
Habang marahang naglalakad ay nilibot ko ang aking paningin. Nakita ko si Veronica na nakangisi habang kalong ang anak nina Adonis at Magdalena. Katabi nito ang mga magulang ni Adonis na halos hindi maipinta ang mukha dahil sa pagkagulat.
Nakita ko rin ang private investigator ni Adonis na si Simon at ang mga shareholders ng kumpanya nila at ni King. Nakikita ko rin ang ilang mga pamilyar na mukha na hindi alam nina Adonis na kakampi ko pala. Lahat sila ay nakangisi at tila naka – game face on.
Pinagpatuloy ko ang paglalakad at ng makarating sa hilera nina Tita Olivia at Tito Romano ay nilingon ko ang dalawa. Binigyan ko sila ng isang blankong ekspresyon pero tila hindi nila ito nagustuhan dahil biglang kumunot ang kanilang noo.
Ilang hakbang pa ay nakarating na ako sa harap ni King.
“Hi” ani ko at naglabas ng isang matamis na ngiti.
“You’re here” ngumiti rin ito pabalik at hinalikan ako sa aking pisngi.
Bumaba sina Adonis at Magdalena mula sa stage at lumapit sa amin. “So I would like to introduce to you, Sophia, she will be my substitute while I’m out of town. She will be directly coordinating with you for all the communications and transactions regarding our future plans” ani King sa dalawa.
“Uh-Uh I’m sorry. A-a-anong ginagawa niya sa kumpanya mo? I mean do you know her? Si-si-since when?” utal na tanong ni Adonis na tila hindi makapaniwala sa nakikita.
“Sophia’s been working for me since three years ago. She used to be our marketing staff but eventually got promoted as the company’s Officer-In-Charge. Sophia’s been nothing but a great contributor to us so I’m excited that she will be working with your team.” sagot ni King.
“I-I-I don’t understand” naguguluhang sambit ni Adonis.
“I’m sorry but ano ang hindi mo naiintindihan, Mr. Salvacion?” ani King.
Tiningnan ko si Magdalena at hindi ito makapagsalita dahil sa gulat at pangamba. Bumaba ang tingin ko sa kanilang kamay na magkahawak ng mahigpit.
Nasilayan ko rin ang kanilang wedding ring.
“Maybe it’s time for me to tell you this, King” sabat ko. “We actually know each other. We used to be really good … hmmm … friends. But something happened that’s why I needed to leave them. But it’s all in the past already so there would be no problem working with them again. Right?” tanong ko at ngumiti kayna Adonis at Magdalena.
Naramdaman ko na lang na may sumagi sa aking balikat at nakitang binangga ako ni Tita Olivia. Tumabi siya kayna Adonis at sumunod rin si Tito Romano.
“And what are you doing here? Who invited your here?” galit na tanong ni Tita Olivia. “Umalis ka ritong babae ka, kung ayaw mong ipakaladkad kita sa mga gwardya” dagdag nito.
Napangisi ako.
“Excuse me? With all due respect, Sophia is working with me and I am the one who invited her here. And as far as I can remember, I am your biggest business partner and no one has the right to disrespect the people working for me” mahinahon pero maawtoridad na sambit ni King.
“I’m sorry Mr. Villarin. But did you background check this woman? Do you know that she’s a bitch? My god! Baka hindi mo alam na pineperahan ka lang niyan kagaya ng …”
“Enough!” ani King. “As I said, no one has the right to disrespect the people working for me. I don’t need to explain anything. And based on what’s happening now, I understand that you guys have a past. But since we are here for business, can we just set aside those personal things and focus on what we signed for today? Unless you want to breach the contract now?” tanong ni King.
Natahimik si Tita Olivia.
“King, I think I am ruining this important day. I can leave now if you want, I won’t mind”
“I would. So you’re going to stay here with me.” mariing sagot ni King.
“Okay, okay. I’m sorry King for this. There are a lot of questions going on in our heads right now because we didn’t expect to see an old friend. But you’re right, the past is past and we are here to do business. It is unprofessional if we will dwell on something that we should’ve forgotten a long time ago. So is it okay that we go to our table now so we could proceed to the next part of this event? I think the next would be dinner” tanong nito.
“No worries, I fully understand.” sagot ni King. “Of course, we can proceed to the dinner. Nagugutom na rin ako eh.hehe” biro ni King at hinimas ang kanyang tyan.
Muling nagtungo si Adonis sa stage at inannounce na magsisimula na ang hapunan.
Inassist kami agad ng mga staff kung saan kami mauupo.
Magkakasama kaming lahat sa isang round table; ako, si King, Adonis, Magdalena, Tita Olivia, Tito Romano. Hindi namin kasama si Addy dahil mukhang pinaalis muna sila ni Magdalena at pinabalik sa kanilang executive suite.
Nagsimulang ihain ang pagkain sa aming harapan kaya naman sinimulan na namin ang aming dinner. Habang kumakain ay walang nagsasalita. Tila ba si King lamang ang komportable na nandito ako ngayon.
“King, I’ll just go to the restroom” paalam ko.
Pagkatango ni King ay tumayo ako at nagtungo sa restroom sa labas ng ballroom hall. Habang naglalakad palabas ay may mga bisitang ngumingiti sa akin at nginingitian ko rin sila pabalik.
Nang makapasok ako sa loob ng restroom ay iniwan kong nakabukas ang pinto at inaantay ang taong susunod sa akin. Nararamdaman kong may taong pupunta rin dito upang komprontahin ako.
At hindi nga ako nagkamali.
Bumukas ang pinto pumasok si… Adonis.
“I think you’re in the wrong restroom?” patay malisya kong tanong.
“I think you’re in the wrong place” seryoso at malamig nitong sagot.
“Didn’t King tell you earlier? I will be his substitute so I’m 100% sure that I am in the right place”
Lumapit ito sa akin at hinawakan ang aking braso.
“Hindi ka na talaga nahiya ano? After three years bumalik ka pa? Para saan? Ano ang gusto mong patunayan? Wag mong sabihin sa akin na ikaw talaga yung nakita ng asawa ko sa theme park noong nakaraan? Pinlano mo ba iyon para manakot?” sunod sunod na tanong nito.
Tumingin ako sa kanyang kamay na nakahawak sa aking braso at matapang iyong tinanggal. Binalik ko ang aking tingin kay Adonis at ngumisi.
“Unang una sa lahat, wala kang karapatang hawakan ako. Tsaka ano naman sa inyo kung bumalik ako? Where is that fear coming from?” tanong ko. “Kung alam niyong wala kayong ginagawang masama ay ano ang kinakatakot ninyo? Unless… unless may konting porsyento diyan sa puso mo na pinapaniwalaan ang sinabi ko noon. Na pinagahasa ako ni Magdalena sa Tatay Tatayan niya at pati sa mga kumpare niya. Na siya ang may pakana ng lahat ng kasinungalingang pinapaniwalaan mo ngayon tungkol sa akin” ani ko.
Hindi nakasagot si Adonis at galit na nakatingin sa akin.
“Ano, Adonis? You believe me, don’t you?”
Huminga ito ng malalim. “Hanggang kailan mo ba babaluktutin ang katotohanan?” tanong nito. “Hanggang kailan mo iisipin na si Magdalena ang may kagagawan ng mga nangyari sayo? Sino ba ang nasa video na nakikipag sex sa matatandang lalake na tila gustong gusto niya yung nangyayari sa kanya? Sino ba yung nasa video na nagsabing pinapaubaya na niya ako at inaming hindi na pala niya ako gusto? Diba ikaw? Kaya wag mong sisihin ang asawa ko dahil ikaw ang may gawa ng mga nangyari sayo”
Napalunok ako sa kanyang sinabi pero pinakita ko na hindi ako naapektuhan. Kahit na narinig ko na ang litanyang ito noon at tila may epekto pa rin ito sa akin ngayon.
“Tapos ngayon si King naman ang ginagamit mo? Ano nagpaawa ka sa kanya para tulungan ka niya?” tanong nito at natawa. “Nakakaawa ka! Hindi ka pa rin maka move-on at gumagamit ka ng ibang tao para ipagpatuloy yung kasinungalingan at kabaliwan mo”
Pinigilan ko ang aking sarili sa kanyang mga sinabi. Tiningnan ko siya sa kanyang mga mata sabay ngumisi.
“Adonis what happened to you? Kinasal ka lang kay Magdalena naging duwag ka na?” pasimula ko. “Nasaan na yung dating Adonis na kilala ko? Yung walang takot at hindi basta basta nasisindak? You sound so different now. Para kang isang asong nababahag ang buntot” malumanay kong pang-aasar.
“Tell me? Anong pinakain sayo ng ex-bestfriend ko at humaling na humaling ka sa kanya? Mukha nga yatang ander de saya ka eh. Na kung anong iutos at sabihin ng asawa mo, susundin at paniniwalaan mo. You’ve changed a lot, Adonis. Just not to what I’ve expected” dagdag ko.
Kita ang pagkuyom ng palad ni Adonis at ang pamumula ng kanyang mukha dahil sa aking sinabi.
“But don’t worry, you still look good and I’ll give you that. Pero ang asawa mo? Wow! Ibang iba na sa kung sino siya noon. She looks so… pampered.” ani ko. “Kaya naman hindi nakakapagtaka na kung ano anong kababuyan at kasinungalingan ang ginawa niya para mapunta sa kinalalagyan niya ngayon”
Halos sumabog ang mukha ni Adonis dahil sa galit.
“So, can you just please leave me alone? I need to use the restroom privately. Unless you still need anything from me? Hmmmm. Lemme guess, do you wanna know what lipstick and perfume I’m wearing? Or who made my dress? Ganda noh? I’m sure babagay din ito sa asawa mo. For sure she’ll look more beautiful wearing the same brand as mine” sarkastiko kong banat habang nakangisi.
Lumapit si Adonis aking sa mukha.
“You’re pathetic. Sana hindi ka na bumalik at nagpakasasa ka na lang dun sa mga matatandang kinalantari mo noon.” mariing insulto nito. “I am warning you, don’t you ever try to harm my family, lalong lalo na ang asawa ko, dahil siguradong sa kulungan ang bagsak mo.” banta nito at lumabas ng restroom.
Pagkalabas nito ay agad kong nilock ang pinto at kinalma ang aking sarili. Halos mapuno ng galit ang puso ko dahil sa mga sinabi ni Adonis.
Ang buong akala ko ay hindi na ako maaapektuhan sa anumang pwede nilang sabihin sa akin pero masakit pa rin pala kapag alam mong tunay ang ipinaglalaban mo pero mga kasinungalinan pa rin ang pinipili nilang paniwalaan.
Pumikit ako at patuloy na kinakalma ang aking sarili.
Nang alam kong maayos na ang aking pakiramdam ay lumabas na ako at bumalik sa venue. Pagdating ko doon ay wala na sila Adonis at tanging si King na lamang ang naabutan ko.
Sabi ni King ay kailangan nang umalis nina Adonis dahil biglang sumama ang pakiramdam ni Magdalena. Sinabihan na lang nila ang mga bisita in ienjoy ang pagkain at ang natitirang orasa venue.
Hindi na rin kami nagtagal at umalis na rin kasama ang aming mga shareholders.
Sumakay ako sa sasakyan ni King upang bumalik sa kanyang resthouse para kunin ang aking mga gamit at tapusin ang ilang mga dapat tapusin. Habang nasa byahe ay dito kami nagkaroon ng pagkakataon na makapagusap tungkol sa nangyari ngayong araw.
“Ano ang sabi ni Adonis sayo sa CR kanina?” tanong nito.
“Nothing that I already know. Lahat ng sinabi niya sa akin ay ang mga kasinungalingang patuloy niya pa ding pinapaniwalaan at ipinaglalaban” sagot ko.
“Tell me, are you okay after your confrontation with him?” hindi ako nakasagot agad sa kanyang tanong.
“Of course. Katulad ng pinangako ko sa sarili ko ay hindi na ako magpapaapekto pa sa nakaraan ko. At kabilang doon ang kung anumang iniisip nina Adonis sa akin.” ani ko.
“Mmmmmmmmmm” tipid na sambit ni King na tila pinilit lamang na paniwalaan ako.
“Thank you nga pala, King. Gusto ko ulit magpasalamat sayo sa lahat ng mga ginawa mo para sa akin. Hindi ako makakabalik ng San Alcantara kung hindi mo ako tinulungan. Utang na loob ko sayo ang lahat ng ito”
“Tsaka mo na ako pasalamatan kapag tapos na lahat ng plano mo” sagot ni King at ngumiti. “By the way, I will be gone for a few months kasi marami akong kailangang asikasuhin sa ibang bansa. Are you sure kaya mo na makipagdeal dun sa mga mokong na iyon? Grabe yung nanay ni Adonis ano, ang wild!” natatawang sambit nito.
Hindi ko rin maiwasang matawa ng maalala ang eksena ni Tita Olivia kanina.
“Nakita mo ba yung itsura nilang lahat kanina? Epic! Pakiramdam ko nawala yung mga kaluluwa nila nung makita ka. Kulang na lang pasukin ng lamok ang mga bibig nila dahil naka-nganga sila dahil sa pagkabigla.” dagdag nito kaya mas lalo kaming natawa.
Gumaan ang pakiramdam ko dahil sa mga paandar ni King. Alam na alam na talaga ni King kung kailan pagagaanin ang loob ko.
“Yes! I can handle all of…