Pero halata ko na gumagawa ito ng paraan para mapalapit talaga ang loob sa akin ni Via.
” Good morning Baby, good morning manang” ang bati ko sa dalawa na nag aalmusal na.
Naka uniform na si Via at kumakain na ng breakfast.
” Good morning kuya” ang bati ni Via sa akin.
” Good morning iho” ang sagot ni Manang sa akin at pinaghain ako nito ng kanin at itlog.
” Salamat po, si Jen po” ang tanong ko kay Manang.
” Mommy is sick kuya” ang sabi ni Via.
” Napano si Mommy baby?” ang tanong ko dito.
” May Fever siya” ang sabi ni Via.
” Kaya iho, ikaw muna maghatid kay via sa school at babantayan ko si Jen” ang pakiusap ni Manang sa akin.
Si manang kasi ang naghahatid kay Via sa school.
” Sige po manang, mag prepare lang ako” ang sabi ko dito at mabilis akong kumain at nagbihis.
Naka shorts lang ako pang basketball at tsinelas na simple habang naka uniforme na si Via.
Binigay naman ni Manang sa akin ang address ng school ni Via sa katipunan.
” Tangina” ang sabi ko sa sarili ko ng pumasok kami sa entrance ng school tungo sa drop off.
Puro naka mamahalin suv ang mga kasabayan nito. Puro naka porma ang driver at may mga bodyguard pa ang iba.
” Di ako nasabihan ni Manang na bigtime pala ang school ni Via” ang sabi ko sa aking sarili habang huminto sa drop off point sa loob.
Bumaba ako ng sasakyan. Nagtinginan ang mga tao sa paligid dahil sa isang hampas lupa ang nakapasok sa teritoryo nila.
Mga mata na kung nakakamatay lang ang tingin ay patay na ako.
” Via, saan ba room mo?” ang tanong ko dito ng pinagbuksan ko ito ng pintuan.
” Dito na lang kuya, alam ko naman ang room ko tsaka malapit lang naman eh” ang sabi nito sa akin
” Osige, dito din kita hihintayin later ah” ang sabi ko dito. Humalik ito sa akin pisngi at masayang tumakbo papasok ng school.
Mabilis akong sumakay ng sasakyan at umalis dahil baka makapatay pa ako ng mga masama kung makatingin.
*******************
” Manang kumusta na po si Jen?” ang tanong ko dito ng kapasok ko sa condo at kalalabas niya sa kwarto nito.
” Okay na iho” ang sabi nito sa akin.
” ay ang sweet may pabulaklak” ang sabi ni manang ng makita niya ang rosas na dala ko
” kamustahin ko lang po” ang paalam ko dito at pumasok ako sa kwarto niya.
Nakasandal ito at may binabasa. Di ako nito napansin na pumasok.
” Ehem” ang pagpapansin ko dito.
” Ikaw pala” ang medyo mahina nitong sabi sa akin.
” Ano ba yan, may sakit na? Nagbabasa pa din” ang panenermon ko dito na parang kasintahan niya.
” parang jowa” ang sabi nito sa akin.
” jowa talaga” ang sabi ko dito at abot ng rosas na pula.
” Salamat” ang sabi nito sa akin.
” Magpahinga ka nga, dahil mamahalin pa kita” ang sabi ko dito at sabay halik sa kamay niya.
” Ay, di pa kita sinasagot kuya” ang sabi nito sa akin.
” Dadating din tayo diyan, kaya pagaling ka ah at palakas ka” ang bilin ko dito at hinalikan ko ito sa noo.
” Palakas ka naman sa anak ko” ang sabi nito sa akin at napangiti naman ako.
**********************
Bago magtanghali ay sinundo ko na si Via sa school.
Kadating ko ay nakaabang na ito sa akin.
” Kuya, may stars ako” ang sabi ni Via habang pinapakita nito sa akin ang kamay niya na puno ng stars. Pati na rin ang test paper nito.
” galing ng baby , ano gusto mo treat sa iyo ni kuya?” ang tanong ko dito.
” Ice cream, cake?” ang sunod kong tanong dito.
” Ice cream please” ang sabi nito sa akin.
” Osige , pero secret lang natin ito ah” ang sabi ko dito at dumaan muna kami sa convenience store para bumili ng ice cream.
Kinain na namin ito doon bago kami umuwi.
Sakto alas dose ay nasa condo na kami.
Ganun ang naging takbo namin habang may sakit sa jen. Ako ang magsusundo dito at may treat siya sa akin every paguwi namin.
Palagi ko din dinaldahan ng bulaklak si Jen hanggang sa gumaling ito.
Dumating ang araw ng sabado.
*********************
Sabado ng umaga.
” Hi Kuya Juan” ang bati sa akin ni Via ng kagising nito.
” Good morning baby girl” ang sabi ko dito at sabay kandong sa akin.
” Good morning mommy” ang bati nito ng makita niya na palabas ng kwarto ang mommy niya.
” Hi Baby, good morning Juan” ang sabi ni Jen sa amin. Naka pajama lang ito at mukhang wala na itong sakit.
” Good morning Jen” ang bati ko dito.
” Okay ka na?” ang tanong ko dito.
” oo naman, salamat sa pag aalaga niyo” ang sabi nito sa amin ni Via.
” Baby, balita ko kay manang na mataas daw ang scores mo sa mga exam mo” ang sabi ni Jen sa kanyang anak.
” Yes po” ang sabi ni Via.
” Ano gusto mo treat ni Mommy sa iyo?” ang tanong ni Jen.
” Mommy, let’s go sa zoo” ang sagot ni Via.
” Zoo?” ang tanong ni Jen at nakangiti din ito sa akin.
” Yes mommy, punta tayo avilon please” ang sabi nito sa kanyang mommy habang nakandong pa din sa akin at kumakain ng cereals.
” Ask kuya juan, if okay sa kanya magdrive ng malayo” ang sabi ni Jen sa kanyang anak.
Napatingin naman ako kay manang at pasimpleng kumindat.
” Kuya Juan, please?” ang pagpapakyut nito sa akin.
” Sige baby, basta ubusin mo ang milk and cereals mo” ang sabi ko dito.
” Yes kuya” ang sabi nito at kaagad naman niya nalantakan ang breakfast nito. Inabutan ako ng kape ni Manang ganun din si Jen.
Napatingin naman ako kay Jen at ngumiti ako dito.
**********************
At bago mag alas otso ay naka sakay na kami sa loob ng fortuner.
Nasa tabi ko si Jen habang si Via naman ay nasa likuran.
” Baby, seatbelt” ang utos ni jen sa kanyang anak.
” Nakakabit na po” ang sagot nito sa kanyang mommy.
Naka dora get up si Via. Pink na tshirt at khaki colored shorts. Naka white shoes din ito.
Habang si Jen naman ay naka pink na polo shirt at pink din na short with pink shoes.
Ako naman ay sinuot ko ang regalo ni Jen sa akin pink polo shirt at white shorts. Naka white shoes din ako
“Walanghiya parang family shirt ang datingan ah” ang sabi ko sa aking sarili.
” Ready baby?” ang tanong ko kay via sabay tingin sa kanyang mommy.
” Ready na po” ang sagot ni via sa akin. Tumango naman si Jen at lumabas na kami ng parking condo.
Umiikot ako sa napakarami kalye at eskinita para lang makapasok ako ng espana blvd.
Pinagmasdan ko si Via, busy itong tinitignan ang mga dinadaanan namin. Pasimple kong hinawakan ang kamay ni Jen. Hinawakan din niya ito ng mabilis at tsaka bumitaw ulit.
Diretso lamang ang aking tinahak hanggang makarating kami ng Commonwealth Kumanan ako sa batasan road.
Kumanan muli ako sa batasan- san mateo road, at wala pang alas nuwebe y medya ay nasa parking na kami ng avilon zoo.
Bumaba ako at pinagbuksan ko ng pintuan si Jen. Pasimple itong bumulong sa akin.
” Kaya mo yan” ang sabi nito. Nagholding hands kami pababa ng sasakyan. Pasimple kong nilabas ang wallet ko at tinignan ang pera na naipon ko sa loob.
Di na kasi ako nagpapabayad kay jen dahil nahihiya ako dito.
Binuksan ko ang pintuan at para bumaba si Via.
Kinarga ko ito papunta sa entrance habang nag suot naman sunglasses niya si Jen.
Naka cap naman ako kaya binigay ko na lamang ito kay Via dahil sa mainit.
” Mam, ilan po” ang tanong ng cashier.
” 2 adults and one student please” Sabay pakita ni Jen sa id ni Via sa nursery.
Magbabayad na sana si Jen pero mabili…