Halos nagmamadali akong tapusin ang trabaho ko ngayong araw dahil magkikita kami ni Kevin. Pagkatapos ng paguusap namin kanina ay para bang may kung anong espirito ang sumanib sa akin dahil ganadong ganado ako magtrabaho.
Napansin rin iyon ng mga kasamahan ko kaya wala silang ginawa kundi asarin at lokohin ako. Hindi ko na lang sila pinansin at binigyan sila ng matamis at nakakalokong ngiti.
Ilang minuto bago ako mag-out ay kinuha ko ang aking cellphone at tinext si Kelly. Sissy, magkikita kami ni Kevin ngayon at sasagutin ko na siya. Kinakabahan ako na excited kasi first time kong buksan ang puso ko sa lalake. I hope everything’s going to be alright. Sinend ko ito at ibinalik ang cellphone ko sa bag.
Pagkatapos ng lahat ng gagawin ko ay kinuha ko na ang aking bag, kasama ng boquet of roses and yung malaking teddy bear, at patakbong lumabas ng banko. Hindi ko na nagawang magpaalam sa mga kasamahan ko dahil sobrang excited ako lumabas.
Pagbukas ni Manong guard ng pintuan ay hindi ko nakita si Kevin. Tumingin ako sa kanan at maging sa kaliwa pero wala siya.
“Manong, yung lalake kanina hindi mo ba napansin na dumating?” tanong sa gwardya.
“Yung may bitbit po ba ng bulaklak at teddy bear? Naku hindi ko na po siya napansin uli. Hindi nga po siya napadaan uli dito simula kanina nung umalis siya” bumagsak ang balikat ko dahil sa sinabi nito.
Did he just do it again?
“Ganun ba Manong? Sige po, antayin ko na lang siya dito baka natraffic lang o nagkaroon ng problema sa motor niya” tumayo ako sa may gilid ng banko malayo sa entrance. Kinuha ko ang cellphone ko at binuksan ang fb messenger upang ichat siya. Wala kasi akong number niya kaya dito kami naguusap sa chat.
Kevin? Makakabalik ka ba ng banko ngayon?
Lumipas ang ilang minuto ay hindi ito nagreply, kaya sinubukan ko itong ichat uli.
May nangyari ba uli? Kala ko ba maayos na tayo?
Muling lumipas ang ilang minuto pero wala akong natanggap na reply. Tinawagan ko ko ito pero hindi sumasagot kaya nagdesisyon akong umuwi na lang. Nanumbalik ang sakit at inis na nararamdaman ko. Sumikip ang dibdib ko at pinigilan ang luhang gustong bumagsak.
Aalis na sana ako upang umuwi ng tawagin ako ni Manong guard.
“Maam Melody, pinapatawag po pala kayo sa loob. Nagkulang daw po yung perang binalanse niyo kanina” sambit nito.
Napakunot ang noo ko dahil hindi naman ito nangyayari sa akin at napaka imposibleng magkamali ako. Nagmadali akong bumalik ng banko at pagpasok ko ay … bumungad sa akin ang isang malaking tarpaulin na ang nakasulat ay WILL YOU BE MY GIRLFRIEND?
Hawak ito ng mga katrabaho ko sa unahan habang si Kevin ay nakatayo may gilid na may bitbit muling bouquet of roses na mas maganda kaysa sa una nitong ibinigay kanina. Katabi nito si Kelly na ngising ngisi na kilig na kilig.
Hindi ako nakapagsalita at tuluyan ng bumagsak ang luha sa mata ko. Agad na lumapit si Kevin sa akin at niyakap ako ng mahigpit.
“Sssshhhhh babe tahan na” bulong nito.
“Gusto kasi kita sorpresahin kaya ito lang naisip kong paraan” dagdag nito. Hindi ako nakapagsalita.
Kumalas ito sa pagkakayakap at lumuhod sa harap ko. Naglabas ito ng isang maliit na box mula sa kanyang bulsa, binuksan niya ito at nakapaloob ang isang napakagandang singsing.
“Melody, babe, my future wife, can you be my girlfriend?” tanong nito at naghiyawan ang mga kasama ko sa trabaho.
“Shuuuttaaaa ka Sissy!!! Gondddooooohhh moooooohhhh!!!!” sigaw ni Kelly na nagpatawa sa akin. Lokaret talaga itong babaeing ito.
“Sagutin mo na si Papa Kevin, kung hindi ay ako ang sasagot diyan” dagdag na biro nito. Natawa ako sa sinabi ng bestfriend ko.
“Akala ko inulit mo uli yung ginawa mo sa akin eh. Wag mo ng gagawin iyon Kevin ha, promise me that you will not do that to me again” ani ko.
“Pangako. Hinding hindi ko na uulitin ang hindi pagpansin sayo at sisiguraduhin ko na bawat pag gising mo sa umaga at pagtulog sa gabi ay mukha ko ang makikita mo. At bubusugin kita ng pagmamahal ko”
Pinunasan ko ang luha sa mata ko at ngumiti.
“Sinasagot na kita, Kevin. Tayo na” inabot nito ang aking kanang kamay at sinuot ang singsing sa daliri ko.
Naghiyawan ang mga kasamahan ko at lahat sila ay tuwang tuwa.
“Sa wakas may jowa ka na Melody!”
“Congrats Melody, sana si Koya na ang the one!”
“Isang kiss naman diyan!!!”
“Kiss! Kiss! Kiss!” sigawan ng aking mga katarabaho at maging si Kelly. Nahihiya man pero si Kevin na ang unag kumilos. Hinawakan niya ako sa likod ng aking beywang at nilapit sa kanya. Napahawak ako sa kanyang dibdib at nagkatitigan kami.
Unti unting lumapit ang mukha namin sa isat isa hanggang sa maglapat na ang aming labi.
Binalot ang puso ko ng saya.
Sa tanang buhay ko ay ngayon ko lang naramdaman ang ganito, at sana si Kevin na talaga ang una at huling lalake na papasok sa puso ko.
—
Nakahiga kami ngayon ni Kevin dito sa aking kwarto. Nakatagilid ang pwesto namin, nakayakap siya mula sa aking likod at nakapatong ang ulo sa aking balikat. Pagkatapos kasi ng kanyang sorpresa kanina ay kumain kami sa labas at nagdesisyon na ring umuwi.
Nahihiya man pero sinabihan ko siya na sa bahay na magpalipas ng gabi para para makapag kwentuhan pa kami at masulit ang unang araw ng aming relasyon ng kaming dalawa lang. Hindi naman ito magkanda mayaw sa ngiti at tuwa dahil sa imbitasyon ko.
“Babe?” tawag nito.
“Hmmmm?”
“Anong nararamdaman mo na tayo na?” tanong nito.
“Masaya. Pero may takot”
“Bakit ka natatakot? Pakiramdam mo ba ay sasaktan kita? O lolokohin?”
Hindi ako nakasagot at inisip ang sasabihin.
“You’re my very first boyfriend, ikaw lang hinayaan ko na pumasok sa puso ko kaya halo halo ang nararamdaman ko. Sa buong buhay ko ay sana’y akong ang bestfriend ko lang ang kasama ko, at kahit na madaming lalaki ang umaligid sa akin ay sinungitan ko lang at hindi pinansin. Kaya to answer your question, masaya ako pero may halong takot” humigpit ang yakap nito sa akin.
“Ang gwapo ko naman at ako ang binoyfriend mo” pagbibiro nito. Natawa na lang ako dahil he’s saying the truth naman, malakas ang dating niya pero hindi lang iyon ang nagustuhan ko sa kanya, yung pagiging persistent at confident nito ang pinaka nagustuhan ko.
“Ano ba ang nagustuhan mo sa akin babe?” tanong nito.
“Hmmmm. Napilitan lang talaga ako Kevin” ramdam ko ang pagkagulat sa kanya. Umangat ito ng pwesto at pumaibabaw ito sa akin, sabay tingin sa mata ko ng deretso.
“Bakit naman napilitan lang?” sumimangot ito at nag pout ng lips. Ang cute.
“Hmmmm kasi ang kulit mo. Sinagot kita para matigil ka na”
“Talaga ba? Kung alam ko lang eh gwapong gwapo ka sa akin. Baka nga pinagp…