“Babe, gusto kitang makita nang personal..”
Nakangiting sabi sa akin ng nobyo ko isang araw. Nalalapit na ang aming 2nd monthsary at iyon sa darating na weekend.
“Di na ako makuntento na makita ka sa camera lang, babe. Gusto kitang yakapin. Gusto kitang mahalin..” matamis na sabi pa nito.
Napaisip ako. Paano ba kami magkikita? Una sa lahat ay nasa Maynila sya at ako ay nasa Bulacan. Never pa akong nakarating sa Manila mag isa. Palaging kasama ko ang Mama at Papa pag dadalaw kami sa tita namin na nasa Quezon City. Pangalawa ay hindi nga alam ng mga magulang ko na may nobyo ako, paanong paalam ang gagawin ko?
“Baka kasi di ako payagan babe..”
“Sige na babe. Kung gusto mo puntahan kita dyan. May sasakyan naman ako, so madali kitang mapupuntahan..” pangungumbinsi nito.
“Dito? Naku wag! For sure magagalit si Papa. Baka kung ano pa magawa sayo nun..!”
“Eh di magkita nalang tayo sa bayan. Di ba may SM dyan? Pwede tayong magkita doon. Ano babe? Sige na..”
Nag iisip ay napakagat muli ako ng labi bago pa pumayag sa hiling ng aking kasintahan.
Araw ng Sabado. Nagpaalam ako sa mga magulang ko na lalabas papunta sa bahay ng aking kaibigan na nasa bayan. Sandali lang naman at pupunta talaga ako doon nang araw na iyon. Iyon nga lang ay mamaya pang hapon. Pagkatapos humingi ng allowance ay sumakay na ako ng jeep papunta sa SM.
Excited ako na kinakabahan. Pinaghandaan ko ang araw na
iyon. Nagspray ako ng cologne. Suot ko din ang paborito kong pantalon na hapit na hapit at nagpapakita ng hugis ng aking balakang at matambok na puwet. Blouse na puti na V-neck naman ang aking pang itaas. Bahagyang humapit ito sa aking katawan. Dala ko din ang aking shoulder bag na gamit ko pa school. Bagama’t pinaghandaan ay ayaw koding maghinala sina Mama at Papa at magtanong bakit sobra akong nakaayos.
Pagpasok ko pa lamang sa mall ay namataan ko na si Ronald na nakatayo sa tapat ng Starbucks. Ngumiti ako nang tipid at marahang lumapit dito.
Matangkad ito sa akin ng ilang pulgada. Lampas balikat lamang ako nito at gwapong gwapo ito sa suot na polo shirt na kulay puti din. Bakas sa mukha nito ang saya nang makita ako. Kumaway pa ito sa akin. Mas gwapo pala ito sa personal. Para itong si Rico Yan. Malaki ang ngiti at kitang kita ang pantay-pantay at mapuputi nitong ngipin.
“Hi..” masayang bati nito.
Langhap ko din ang pabangong gamit nito. Muscline pero di matapang ang amoy niyon.
“Hello..” nahihiya at halos di makatingin naman na bati ko dito.
“Babe?” Parang nang aasar na tawag nito sa akin habang mataman at tila nanantiya. Marahil ay napansin nito Ang pagbblush ko. First time ko kasing lumabas kasama ang lalake. And this time, sa lalaking mahal ko. Masaya ako pero nauunahan ako ng hiya.
“Yes babe..” mahinang sagot ko sabay hawi ng aking buhok papunta sa likod ng aking tenga.
Inilahad nito ang kamay. Nanlalamig ang kamay na inabot ko iyon. Tila may kuryente ang hawak nito. Ganun ba talaga pag first time mahawakan ng boyfriend?
“Halika sa loob. Coffee tayo..”
Pumasok kami sa loob ng coffee shop. Umorder ito ng frappe for two. Naghintay kami saglit na maihanda ang aming order pagkatapos ay humanap kami ng space para magkape. Pinili namin ang table for two na nasa gilid.
Tulad ng inaasahan ay napakagentle nito at masarap kausap. Unti unti ay nawala ang aking kaba. Nag usap kami. Nagtawanan. Paminsan minsan ay hahawakan nito ang aking kamay or hihimasin ang aking pisngi. Para akong nasa ulap ng mga sandaling iyon.
Pagkatapos naming magkape ay inaya nya akong manood ng sine. Hawak-kamay kami habang bumibili ng tickets na sakto lamang at pastart na ang movie.
Iginiya nya ako sa sinehan. Napakagentleman nito at alalay ako sa pag akyat sa medyo madilim na hagdan. Sa bandang likod kami pumuwesto. Di nagtagal ay nagstart na ang pelikula.
Habang nanonood ng movie ay naramdaman ko ang marahan nyang pagkabig sa ulo ko pasandal sa kanyang dibdib. Naamoy ko nanaman ang kanyang pabango. Gustong gusto ko iyon.
“I love you, babe..” bulong ni Ronald sa akin.
Tumingala ako sa kanya. Ngumiti at tumugon, “I love you too, babe..”
Dahan dahan ay inilapit ng aking kasintahan ang kanyang mukha sa akin. Napapikit ako, hinintay na dumampi sa labi ko ang kanyang mga labi. Malakas ang tibok ng aking puso.
Tila umikot ang aking paningin ng maramdaman ko ang malambot nyang mga labi na dumampi sa akin. Ang isa nyang kamay ay dumantay sa aking kaliwang balikat at hinapit ako lalo palapit sa kanya. Napahawak ako sa malapad na dibib ng akong nobyo. Noong una ay banayad. Tila gusto nitong iexplore ang aking mga labi…