Dentist Angela Bautista 2 – Rebelasyon ( Chap 7)

Sa hideout ni Kadyo…

Nag ring ang cellphone ni Igme. Natapon nya bigla yung sigarilyo nung narinig ang sinabi ng katulong at inilahad ang lahat ng nangyare sa bahay. Nagulat din ito nang narinig na namatay yung sir Greg nya.

Pumasok ang driver sa loob upang ibalita sana ito sa among babae nang natagpuan nitong walang malay ang ginang… dahil siguro sa ipinatikim na shabu, nangisay ito at parang may lumalabas na bula galing sa bibig. Nataranta ang mga lalake sa loob at pinipilit nila itong gisingin. kumuha pa ng tabo at winisikan ang mukha sabay punas gamit ang bimpo.

“Mukhang natuluyan ata pinsan, dali bihisan nyo at dalhin mo sa ospital!” utos ni Kadyo.

Agad naman nilang ginawa yun at si Igme na mismo ang nagsakay sabay harurot ng sasakyan.

Sa bahay ni Ingrid

Nagulat si Greg sa ayos ng bahay. May naka cordon na yellow tape sa labas at may mga pulis na gumuguhit ng chalk sa daan. Mga SOCO na gumagawa ng casing sa area. Nilapitan nya ang isa sa mga pulis at napagalamang naging crime scene ang bahay ng kanyang nobya. Naabutan nya ring dala ng punerarya ang bangkay ng tatay ni Grace. Kinunan sya ng salaysay ng detective na itinalaga sa kaso.

Nag alala si Greg para sa kanyang mahal na si Grace kaya pinuntahan nya ito sa ospital nung nalaman nyang natamaan ito ng bala sa braso.

Sa Emergency room ang tungo ng lalake… tinatawagan nya pa rin ang kanyang kapatid ngunit ngayon patay na ang cellphone. Nang pinuntahan nya ang nurse station upang alamin ang kalagayan ni Grace, nagulat sya nang nagpangabot sila ng driver na si Igme… Nagulat din ang driver nang nalaman na nandoon pala si grace. Hindi tuloy nya alam kung sasabihin nya ba sa dalawa na na overdose sa shabu ang ina na si Grace at kasalukuyang nasa emergency room at nirerevive.

Sa kubo ni Kulot

Nagising ang dalaga na may matinding sakit sa ulo. Yung katawan nya puno ng pasa at sugat. Kinuha nya ang kanyang mga natitirang damit at nilinis ang katawan sa ubod nyang makaya. Tyempo naman at walang tao sa paligid kaya naka puslit sya sa lugar. Pa ika ika syang nag lakad at sa kanyang ayos ngayon, kung hindi man nabaliw ay parang taong grasa na mestiza ang tingin mo sa kanya. Napapalingon ang mga dumadaan tuwing makikita si Cass.

Lumapit sya sa isang security guard upang humingi ng tulong. Sa una akala ng lalake ay badjao o manlilimos ito ngunit nung nasilayan nya ang mukha ng dalaga, namangha sya at agad tinulungan. Tumawag ito ng kasama at inalalayan ang dalaga para makapunta sa malapit na istasyon ng pulis.

Sa malapit na compund ng kulto

Nagwala ang leader ng team 1 sa palpak na execution ng kanilang pangkat. Dalawa ang nalagas sa kanilang 7 man team. Isa dito ay kamaganak pa ng isa sa mga punong ministro ng kanilang simbahan.

Malumanay na humingi ng tawad ang leader sa kanilang commander na si Dante. Agad naman ito binigyan ng instructions sa susunod nilang hakbang.

Nasa team 2 ang focus ng groupo dahil alam nila na doon tatakbo sila Goryo at Angel. Ngunit dahil sa safehouse, hirap pa rin itong matukoy. Nakasunod pa rin kasi ang tracker na iniwan kay Patrice noong inilagay ng mole sa kanyang bag kaya natunton nila si Goryo sa yumao nitong pinsan sa barangay. Malas lang nila at sa opisina lang iniiwan ni Patrice ito.

Tagumpay na naligaw ang mga kalaban at nagtago rin ang tatlo sa safehouse apartment ni Patrice.

Doon pinapakalma ni Goryo ang balisang dalaga. Halatang na trauma ito sa kaganapan kanina.

Nagulat silang tatlo nang may kumatok sa pinto. Si Mang Dado pala ito may dalang ulam.

Pinatuloy naman ito ni Patrice upang hindi makahalata sa nangyayari sa loob.

Sa isip naman ng matanda baka sa panahong ito makakasali sya sa orgy kung sakaling magaganap ulit ito.

sa loob ng kwarto, nahimasmasan na si Angel pagkatapos makainom ng tubig.

“Goryo, bakit nangyari yung kanina? sino ba hanap nila? bakit nandito tayo kina Patrice? ano ba ugnayan nyo?” maraming sunod sunod na tanong ang dalaga…

“Mahal, si Patrice ang NBI handler ko… habang hinahanap namin ang lunas ng ginawa ni Danny sa inyong pamilya, natuklasan naming malaking tao ang nakabangga nyo… at ginawan namin ng paraan upang pabagsakin sila… state witness kami… ngunit ang bagal ng takbo ng kaso… hinaharangan ng mga kaalyadong pulitiko ng kaaway natin.”

“Sinong kaaway?”

“Si Pastor ACQ!…”

“Ha!” napalakas ang sigaw ng dalaga sa pagkagulat.

“Oo… matagal na nitong gustong pabagsakin ang pamilya nyo dahil hindi nya makuhang isali kayo sa kulto nila… kaya gayon na lang na ginamit nya si Danny bilang kasangkapan upang matupad yun… ngunit sa pagkamatay ni Danny, malaking dagok yun sa kanilang operation dahil siya ang pinakamahusay sa kanyang tauhan. Unti unting nagigising ang kanyang mga kasapi at dahil sa na umpisahan namin, isa isang nabubuwag at lumilitaw ang baho ng kanilang organisasyon. Sila ang nagpadala ng tao para tugisin kami ni Julian… buti na lang at nasa hiwalay sya na location ngayon.”

“Buhay si Julian? alam ba nila dad ito Goryo?”

“Hindi mahal… sa pagka alam nya patay na kaming dalawa… kaya nga pilit kong iniiwasan ka kasi ayaw kong masali ka sa gulo.”

“Naku kumusta na kaya si Grace?… si Tita pala, tatawagan ko!”

Nag dial si Angel sa numero ng Tita Ingrid nya ngunit si Igme ang sumagot. Nagulat din sya na kasama nila si Greg sa parehong ospital. Hindi na sinabi ng driver ang totoong kalagayan ng kanyang tita upang hindi dumagdag sa pagkabahala nito. Nagpaalam ang dalaga na baka pwede nyang puntahan ang pinsan upang kumustahin ngunit pinagbawalan ito ni Patrice.

Dahil mainit na ang kanilang area, kailangan nilang lumipat ng area kaya tinahasan ang handler ni Goryo na puntahan ang waypoint 2… doon nakatyempo ang espiya at naalerto ang mga kasapi ng kulto at itinuro kung saan nila pwedeng tambangan ang kanilang mga pakay.

Sa Ospital, sumusuka ang ginang dahil pina enduce ito upang maduwal at ilabas ang lason sa kanyang katawan. Nagkaroon ito ng malay nang ginawaran ng CPR ng doctor.

Labas na sa kritikal na kundisyon ang ginang ngunit hinang hina pa ito kaya naka tulog ulit.

“Mang Igme, ano ba nangyari kay mommy? bakit nagkakaganyan sya?” umiiyak si Grace habang minamasdan ang inang naka higa.

“Sya na lang mag sabi sa inyo mam… hindi ko po alam eh” sagot ni Igme.

sakto naman ang pagpasok ni Herbert na kagagaling lang sa paaralan nung nalaman ang kaganapan sa kanilang bahay. Napasugod ito sa ospital at nang makita ang kapatid, niyakap ito. Napa aray pa si grace nang masagi ang may sugat parte ng kanyang katawan.

“Ate, anong nangyari? si mommy bat nagkaganyan sya?”

“Hindi ko alam bert, basta na lang may maraming putok galing sa labas.. dito lang kami nag abot sa ospital.” sagot ni Grace.

May pulis na pumasok at lumapit sa kanila…

“Kayo po ba ang kamag-anak ng pasyente? Mam eh… may masamang balita po ako… patay na po yung tatay nyo.. baka pwede nyo po puntahan sa morgue.”

Humagulhol ang tao sa loob… pati si Ingrid naluha dahil nagising pala ito nung dumating si Herbert. Di nya lubos maisip na isang iglap, maraming sunod sunod na kamalasan ang mangyayari sa kanilang pamilya.

Maraming katanungan ang hindi nasasagot…

Nang mahimasmasan, inalam nila kung saan nakaratay ang bangkay ng kanilang ama. Iniwanan muna nila Greg ang ina nila grace sabay sakay sa sasakyan ni Igme para asikasuhin ang kanilang daddy.

Napag alaman nilang namatay ito dahil inatake sa puso dulot ng hindi pag inom ng gamot… nagtaka sila dahil wala namang nag kulang at may thera naman ito.

“Ate sila Angel at Rommel po? Saan po sila?” tanong ni Herbert.

“Si Cass? hindi ba sya pumasok?” sabat ni Greg.

“Di ko alam… kanina ko pa tinatawagan sila ngunit walang sumasagot” sabi ni Grace.

“Magkasama ba sila ni Rommel Beh?” tanong ni Greg.

“Hindi… si Mang Nestor ang kasama ni Angel kanina”

Lalong nagtaka si Greg… saan na kaya ang kanyang kapatid? at ang dalagang kasama nya kagabi?

Sa bahay ni Patrice…

Habang kausap si Mang Dado sa sala, nakatanggap ng instructions ang dalaga galing sa kanyang commanding officer… inatasan syang dalhin ang asset sa isang secret location for consolidation.

Nag impake sila at nag paalam si Patrice kay Dado na mawawala muna sila ng ilang araw.

Nasa kotse na sila at tahimik na walang kibuan… natrauma pa rin si Angel sa nangyari kanina at sa natuklasang kwento ni Goryo.

Paliko na sila sa isang eskinita nang lumitaw ang dalawang lalake… yung backup nila. Sumakay ang dalawa at pinalitan si Patrice sa pagmamaneho bago umandar ulit.

Nasa kalagitnaan na sila ng biyahe nang biglang lumiko ang kotse sa isang kalye na lihis…