Habang naglalakad ay hindi niya inaasahan na makakasabay niya sa paglalakad ang isa sa mga kaibigan ni Allison na si Ciello
“Anong meron sainyo ni Allison? Bakit parang may something sa inyo kahapon?” Tanong ng dalaga kay Enrico. Nagulat naman si Enrico sa biglaang pag tanong sa kanya ng dalaga.
Napatingin naman ang binata kay Ciello na kasalukuyan na ring nakatingin sa kanya
“Walang something samin ni Allison, bakit mo naman natanong yan?” Tanong ng binata kay Ciello.
“Nakita naming lumapit siya sayo after ng class at sabay pa kayong lumabas ng room” tugon ng dalaga “saan kayo nagpunta?” Tanong nito.
“W-wala..a-ano, m-may importante lang siyang sinabi sakin kahapon kaya inaya niya akong lumabas” utal na rason ni Enrico.
“Hmm so lumabas pala kayo” tugon ni Ciello kay Enrico.
“Hindi kayo close ah, ano naman yung importante niyang sasabihin sayo?” Nagtatakang tanong ni Ciello.
Hindi na nakasagot si Enrico sa tanong na iyon ni Ciello dahil naubusan na rin ito nang irarason, eksakto naman na narating na nila ang kanilang silid. Nakita ni Enrico si Allison na kasalukuyang nakatayo sa pintuan ng kanilang silid at makikita na parang may hinihintay ito.
Nagtaka naman si Allison dahil mula sa malayo ay tanaw niya na nag uusap ang kanyang kaibigan at si Enrico habang naglalakad.
“Hello Allison, ba’t andito ka sino hinihintay mo?” Tanong ni Ciello sa kaibigan.
“Siya” diretsong sagot ni Allison habang nakaturo ito kay Enrico. Nagulat naman si Enrico dahil sa ginawa ni Allison, walang pagaalinlangan nitong sinabi na siya ang hinihintay ng dalaga
Gulat at pagtataka ang kasalukuyang nararandaman ni Ciello, sa ilang buwan nilang magkakaklase ay ngayon lamang nagkaroon ng komunikasyon si Enrico at Allison.
Ang paningin ni Ciello ay nagpapalipat lipat kay Enrico at Allison dahil sa labis na pagtataka pero imbis na magsalita ay pumasok na lamang ito sa loob ng silid at naupo sa kanyang upuan.
Binigyan naman ng malanding tingin ni Allison si Enrico, inilapit ng dalaga ang kanyang bibig sa tenga nito at nagsimulang bumulong sa binata.
“Mamaya mag handa ka na” malanding sabi ni Allison.
Napansin naman ni Enrico ang mabangong amoy ni Allison dala ng pabango nito.
Matapos bumulong ay naupo na ang dalaga sa pwesto nito at ganon na rin ang ginawa ni Enrico.
Makalipas ang ilang oras na klase ay sumapit na ang kanilang break time, kasalukuyang naglalakad si Enrico patungong canteen kasama ang dalawang kaibigan nitong si Christian at Lester.
“Pre anong ganap sainyo ni Allison? Bakit sabay kayong lumabas kahapon?” Tanong ni Lester.
“Oo nga, ano pre may confession bang naganap?” Dagdag na tanong ni Christian.
“Pati ba naman kayo? Walang ganap at walang confession, may pinag usapan lang kaming importante” dahilan ni Enrico sa dalawang kaibigan.
“Sus usap usap. Ano namang pinag usapan niyo? Hindi naman kayo close non” wika ni Lester.
“Wala basta, samin na lang yon” tugon ni Enrico sa kaibigan.
“Ano pre, nag date ba kayo?” Tanong pa ni Christian.
“Hindi kami nag date, nag usap lang kami yun lang yon” sagot ni Enrico.
“Wala to pre, naglilihim na satin” pabirong sabi ni Lester.
“Wag kang nang magtago samin pre, kaibigan mo naman kami. Anong meron?” Tanong ulit ni Christian.
“Bahala kayo kung ayaw niyong maniwala, nagsasabi lang ako ng totoo” tugon ni Enrico.
“Oh sige, hindi ka namin pipilitin kung ayaw mong mag sabi” ani Lester na mababakas pa rin ang pagdududa sa kaibigan.
“Sige na mauna na muna kayo sa canteen punta lang ako sa cr” paalam ni Enrico.
Matapos mag paalam ay dumiretso na si Enrico sa cr, akma na sanang papasok ang binata sa banyo ng mga lalaki nang bigla na lamang may humatak sa kanya papasok sa banyo ng mga babae.
“Allison?” Gulat na sabi ni Enrico sa pangalan ni Allison matapos nitong malamang…