“Kuya! Kuya! Gumising ka na daw sabi ni nanay at baka malate ka sa trabaho mo!” pangungulit sa akin ng bunso kong kapatid na si Dana.
“hhhmmm! 5 minutes pa please” tamad kong pakiusap.
“Malalate na ako sa school, Monday pa naman ngayon, bahala ka kuya pag na late ako hindi mo makikita si Mam Marisse” bulong sakin ng aking kapatid.
Napabangon akong bigla alam na alam talaga ng kapatid ko ito kung pano ako pasisiglahin.
“anong oras na ba?” tanong ko “6:30 na kaya kuya”. “Haa!! 6:30 na ba? Bakit ngayon mo lang ako ginising!” sigaw ko at hablot ng twalya sabay takbo sa banyo para maligo.
Shit! Eto ang problema ko pa sa umaga, ang malamig na tubig! Tag-ulan pa naman ngayon, Delubyo talaga ang paliligo ng walang mainit na tubig.
Nang maligo at makapagbihis lumabas na ako ng kwarto “Nay sa office nalang ako maguumagahan at malalate na ako, ihahatid ko pa si Dana” sabi ko kay Nanay.
“Umuwi ka ng maaga mamaya ha!, napapansin ko napapadalas ang uwi mo ng gabi!, san ka ba nagpupunta? Baka may ginagawa kang kalokohan Nag-aadik kana yata! O baka naman mag-aasawa ka na?” sermon ni nanay
“Nanay si kuya mag-aasawa? Hahahah girlfriend nga wala eh!, daming nyang crush haha hanggang crush lang naman, palibhasa kase basted yan dati kay ate Jopay hahahah!” asar naman sakin nitong magaling kong kapatid.
“Nay naman birthday lang ng kasama ko sa tarabaho, kaya mejo nagkainuman lang ng konti, oo nga pala nay eto pala yung sweldo ko nagtabi na ako ng allowance ko, bayaran mo na lahat ng babayaran natin” sabi ko.
Tara na Dana! “Nay pasok na kami” sabay halik sa pisngi ni nanay.
Sakay ng aking motor hinatid ko si Dana sa kanyang paaralan, syempre kahit Grade 5 na ang bunsong kapatid ko hinahatid ko pa din sya sa loob ng kanilang classroom para na din masilayan ang kanyan magandang guro.
“Good morning Mam Marisse” bati ni Dana at tuloy pasok sa loob.
“Good morning My LOVE” mahinang bigkas ko (isa kasi si Mam Marisse sa mga Crush ko)
“Anong sabi mo Mr.?” sabi ni mam, Syet narinig yata ni Mam yung My Love na sinabi ko..
“Ah sabi ko m…