“Grabi yung truck kanina ano muntik nang tumaob” sabi ni Gado habang nagsasalin ng tagay sa baso.
“Naku kung nagkataon patay na naman tayong lahat kay architect, ha ha ha.” sagot naman ng kainuman na si Poldo.
“Paano mamaya makakapanood ba tayo ng laban?” tanong ni Gado sa kasamahan, ang laban na kanyang tinutukoy ay ang lingguhang fight club sa kanilang site, sila-sila rin ang mga naglalaban, pustahan ng matitibay.
“Buti napaalala mo Gado, huwag ka pala masyado uminom, hinahamon ka ni Askad, babawi daw siya.” sagot ni Poldo. Sapagkat isa si Gado sa beterano sa suntukan sa kanila, kahit nga guwardiya napataob niya nang minsang sumali ito sa kanilang munting palaro.
“Askad talaga yun, ang tibay, nilampaso ko na nga uulit pa ha ha ha!” tawa ni Gado.
“Alam mo namang malakas tama nun sa misis mo kay Loren, lagi kang pinipilit na ipantaya mo misis mo, ingat ka.” paalala ng matandang kainuman kay Gado.
“Mamaya kapag napatumba ko na siya, matututo na ng leksyon yun.” seryoso si Gado habang pinapatunog ang kanyang kamao.
Hindi naman sa pagmamayabang, simula ng makasali si Gado sa mga pustahang suntukan, hindi pa siya napapatumba. Sanay na siya sa basagan ng mukha, ang pasa at sugat na nakukuha niya dito ay pinagmamalaki pa niyang parang medalya. Dahil doon kahit mga matataas na officer sa construction site na iyon ay walang tumatalo sa kanya. Maliban kay Askad.
Nagsimula ang lahat ng madala ni Gado sa barracks ang kanyang misis na si Loren, nang si Askad ay pasimpleng nagpapalipad hangin sa kanyang maybahay, na iwanan na lang ang mister nito at sumama na lang sa kanya na mas maraming pera. Ginagawa pa ito ni Askad sa harap ng kanilang kasamahan habang sila’y nag iinuman. Kung kaya’t doon na napagdesisyunan ni Gado na hamunin si Askad ng suntukan para tantanan na ang kanyang misis.
Ngunit talagang makulit si Askad, anim na beses na niya itong napatumba, pero tuloy pa rin sa pangungulit s…