*****
Chapter 35
Ang karugtong…
Pangalawang araw na ng rehearsals ng mga kalahok para sa darating na Senior High Ball. Umaga at hapon ang oras ng pagpa-practice ng mga kandidato, kung kaya’t halos hindi na sila naka-attend sa kani-kanilang mga klase. Ngunit sa kabutihang palad naman ay excused naman sila.
Bukod dito ay may rehearsals din ang paaralan para sa cotillion de honor. Sampung pares ang naroon sa practice, at kasali na dito ang barkada nina Jillian.
Sa puntong ito ay magkakasama sina Ashley, Lance, Tan at Yen at kasalukuyang nagpapahinga dahil kanina pa sila nagpa-practice para sa kanilang production number.
“Alam niyo guys, sobrang saya ko dahil nakilala ko kayong dalawa nina Yen.” sabi ni Lance. “Ang saya niyo palang kasama.”
“Bakit naman? Naaartehan ka ba sa akin?” puna ni Yen.
“Uh… Hindi naman.” pangiting sagot ng binata.
“Ano ba yung first impression mo sa akin, bro?” tanong naman ni Tan.
“First impression ko? One word. Astig.”
“Nice one, bro!” sagot ni Tan at nag-apir silang dalawa. Maya-maya pa’y tinawag na sila ni Catriona. Ang iba nama’y nagtitipon-tipon sa entablado.
“That will be all for today. Our next practice will be at three in the afternoon. You may go now, and we’ll see you later.” sabi ni Catriona. Ilang saglit pa’y nagsialisan na ang ibang mga kandidato sa gym.
Aalis na rin sana ang magkaibigan nang tinawagan ni Catriona ang pangalan ni Lance.
“Mr. Lance Carr, will you please stay here for a while? I just want to ask you something.”
Nagkatinginan ang apat, at si Lance nama’y napakamot sa ulo.
“Guys, hahabol lang ako mamaya para sa lunch natin.” Ilang saglit pa’y lumapit siya kay Ashley at nagbilin dito. “Ashley, kung magtatanong si Angela kung nasaan ako, pakisabi na lang sa kanya na ipinatawag ako ng instructor natin.”
“Sure thing, Lance. Kita kits na lang tayo mamaya.” sabi ni Ashley at naglakad na ang dalaga palayo kasama sina Tan at Yen.
Nang naiwan si Lance sa gymnasium ay muli siyang tinawag ni Catriona. Lumapit ang binata sa beauty queen at hindi niya maiwasang tingnan ang ibang klaseng pananamit nito ngayon. Kasama ngayon ni Catriona si Kylie.
Napansin ni Lance na halos revealing na ang kamiseta ni Catriona at naka-short shorts lang ito. Si Kylie nama’y naka-suot ng normal na t-shirt at maong na pantalon.
Maya-maya pa’y kinausap ni Catriona si Lance.
“So they’re your friends, am I right?” tanong ng dalaga. “Kylie and I were just talking about you while we’re practicing. Ang galing mo palang rumampa.”
Napangiti naman si Lance. “Ah… Hindi naman. This is only my first time na makasali ako sa ganitong patimpalak.”
“You may be a novice, Lance. Pero I tell you, you really nailed it kanina.” sabad naman ni Kylie.
“Ehehe… Thanks Miss Kylie…” ang nasambit ng binata habang namumula ang pisngi nito.
“Call me Kylie na lang. Hindi naman ako ganung katanda, ano?”
“Ah… S-sige po. Kylie.” wika ng binata pagkatapos ay ibinaling ang atensiyon kay Catriona. “By the way, ano nga pala ang gusto mong sabihin, Miss Cat?”
Diretso ang tingin ni Catriona sa mga mata ni Lance. Dito ay nag-umpisang mag-init ang pakiramdam ng beauty queen at pakiramdam niya’y bumabalik ang libido niya. Hinawakan niya ang kamay ng binata.
“We’ll talk about it somewhere else. Come and follow me.”
“Hinahanap na ako ng girlfriend ko, Miss Cat. Nagtatampo na yun sa akin. May date pa naman kami ngayon…” si Lance.
“Lance. Please have a moment with me. I’m a desperate woman who’s fresh from a bad breakup. I need your love and your warmth. Ikaw lang ang lalaking nagbibigay ng sigla sa akin. And please just call me Catriona when we’re off practice.” ani Catriona.
“Catriona…”
“She’s right, Lance. Pagbigyan mo naman siya. She just wants to experience being in love with another guy.” sabad ni Kylie. “Sinabi niya sa akin na you’re a good kisser daw.”
Gusto pa ring tumutol ni Lance. Si Angela lang talaga ang mahal niya. Kahit nagawa niyang ilihim ito sa kasintahan ay nakaramdam siya ng pagsisisi sa sarili. Hindi niya ginusto ang pangyayaring yun. Nadarang lang siya sa tukso nung araw na naglalambingan sila.
Ang hindi lang alam ni Lance, kakagaling lang si Catriona mula sa breakup ng kanyang ex-boyfriend na si Clint. Inaamin naman ng binata na nagandahan naman siya sa beauty queen at handa naman siyang pasayahin si Catriona. Ngunit natatakot naman siya kapag malaman ni Angela ito.
Nagpaubaya na rin si Lance sa bandang huli. Wala rin naman si Angela sa tabi niya dahil kasali ito sa cotillion de honor, at magkaibigan naman sila ng kapares nito.
“Fine. I’ll go with you. But please keep our affair a secret to everyone.” sagot ni Lance.
“As promised, my dear. So come on, let’s get out of here.”
Ilang saglit pa’y tuluyan nang nilisan nina Catriona, Lance at Kylie ang gymnasium. Ang kutob ni Lance, kaya nagyaya ang beauty queen na sa ibang lugar sila mag-uusap dahil marami palang estudyante ang nagtatambay dito.
*****
Nagpapractice na rin ang mga kasali sa cotillion de honor bilang paghahanda sa Senior High Ball. Kapartner ni Jillian si Rhys. Si Althea naman ang kapareha ni Migo, at ang magkasintahang Sofia at Will.
Kasali rin sa cotillion si Angela kasama si Tom, ang matalik na kaibigan ni Lance. Nagkataon na hindi pala puwedeng sumali dito si Lance dahil kasali siya sa pageant. Alam naman ni Tom ang relasyon nina Lance at Angela at sinikap niyang hindi siya ma-fall sa dalaga.
Seryoso ang lahat ng magkakapareha sa pagpa-practice ng sayaw. Kitang-kita ang linis ng kanilang choreography at halos sabay-sabay silang lahat. Sa kalagitnaan ng pagtugtog ng musika ay pinapakiramdaman ng mga kapareha ang mensahe ng awitin.
Matapos ang ilang minuto ay nagpatawag ng break ang kanilang instructor. Nagsilabasan ang ibang mga kapares maliban kina Angela at Tom na naisipang magpaiwan sa loob ng silid.
“So Angela. Kamusta naman kayo ni Lance?” tanong ni Tom.
“Okay lang naman kami.” sagot ni Angela. “Sinusuportahan ko naman siya sa pageant niya.”
“Same here. Alam kong kakayanin ni Lance ito. After all, he’s got the coolness and the brains.”
“Lance is very supportive towards me. Kahit halos hindi na kami magkakasama lately, hindi naman nawawala ang spark namin.” si Angela.
Hinawakan ni Tom ang kamay ni Angela. Nakaramdam siya ng kakaibang kuryente sa kanyang katawan nang hawakan niya ito. Pakiramdam ni Tom, kinikilig siya at parang naka-jackpot na siya dahil ang magandang dilag ang kasama niya ngayon. Hindi naman ito nahalata ni Angela.
“Ang suwerte naman talaga ni Lance. Naka-bingwit rin siya ng isang magandang babae na tulad niya…” ang wika ni Tom sa isip niya. Ilang saglit pa’y muli siyang nagsalita at humarap sa dalaga.
“You know what Angela, ang suwerte mo. Dahil sa dinami-dami ng mga babaeng nagkakandarapa kay Lance, ikaw lang ang pinili niya. At pakiramdam ko, nag-alala siya na mawala ka sa buhay niya. Hindi talaga siya nagpapadala sa tukso ng ibang mga babae dito sa school.”
“Talaga ba?”
Tumango si Tom. “Yes. At sinabi pa nga niya sa akin na balak ka daw niyang pakasalan. Gusto niyang ikaw lang ang makakasama niya habang buhay, at pangarap talaga niyang magkaroon ng sariling pamilya.”
Napatahimik si Angela sa sinabi ni Tom. Dito ay nalaman niya kung gaano ka-sweet si Lance sa kanya. Halos namumula ang pisngi niya at halos pagpawisan na.
“A-angela? Okay ka lang ba?” puna ni Tom.
“Okay lang naman. By the way, nasaan na ba siya?” wika ni Angela. “Nagkasundo pa naman kami na sabay kaming mag-lunch sa canteen…”
“Wait lang. Ako na ang tatawag.”
Lumabas saglit si Tom ng silid upang tawagan ang kaibigang si Lance. Nagri-ring lang ito; walang sumasagot.
Sinubukan niya ulit na i-dial ang numero ng kaibigan. Hindi pa rin sumasagot si Lance. Kaya minabuti na lang niyang pumasok ulit sa loob ng silid at ipaalam kay Angela ang tungkol dito.
“Hindi sumasagot. Busy pa siguro yun sa rehearsals nila.” sabi ni Tom.
“Di bale na. Tayo na lang muna ang mag-lunch. Gutom na kasi ako, eh.” sabi ni Angela.
“O, eh akala ko ba, sasabay tayo kina Ashley?”
“Ay, oo nga pala. Tara na sa cafeteria, baka inaantay na tayo.”
Nang nagkasundo na ang dalawa ay sabay nang lumabas ng silid sina Tom at Angela. Alalang-alala na ang dalaga sa kanyang nobyo. Ilang araw na rin silang hindi magkakasama buhat nang magsimula ang rehearsals nila. Ngunit naniniwala naman si Angela na hindi magkakaroon si Lance ng ibang karelasyon habang nagre-rehearse ito sa pageant.
“Lance. Ipinangako mo na sa akin na hindi mo ako iiwan. Sana hindi mo pa rin ako kakalimutan kahit hindi mo ako kasama.” ang mensahe ni Angela sa isip niya.
*****
Sa cafeteria naman ay magkakasama sina Ashley, Tan at Yen at inaantay nila ang pagdating ni Angela. Kanina lamang ay pinag-usapan ng tropa sina Lance at Catriona. Napapansin nila na tila nag-iiba na ang pagtingin nila sa kanilang instructor dahil nakikita nilang pumoporma siya kay Lance.
“Tama nga talaga ang hinala ko. Nagbibigay talaga ng motibo si Miss Catriona, eh. Tutok na tutok siya kay Lance kanina habang nagpa-practice, oh!” sabi ni Yen.
“Oo nga. Kulang na lang, eh halos tumutulo na ang laway niya sa kakatitig kay Lance.” wika naman ni Tan.
“Ano ba naman kayo, ang advance niyo naman mag-isip…” awat ni Ashley sa dalawa. “Alam ko ang ugali ni Lance. Hinding-hindi siya magpapadala sa tukso ng ibang mga babae diyan. Kasi nga, girlfriend na niya si Angela ngayon.”
Naudlot ang usapan ng tatlo dahil dumating na si Angela kasama si Tom.
“Hi guys!” bati ni Angela. “Nakapag-order na ba kayo ng pagkain?”
Napatahimik sila sa kanilang nakita. Si Tom ang kasama niya at hindi ang nobyo. Hindi na mapigilan ni Yen…