” PATIBONG “
Linggo, maaga akong ginising ni misis at magsisimba kami sa lokal na parokya sa loob ng Subdivision na kinatitirikan ng bahay namin. Dalawang bloke lang ang layo ng simbahan mula sa aming bahay, kaya nilalakad lang namin ito. Karga ko si bunso, at akay- akay naman ni misis ang anim na taon na si Albert.
At madalas, pagkatapos naming magsimba, ay daraan kami sa 7-11 na malapit sa simbahan para sa paborito ni Albert na pizza at ice cream ni bunso. At hindi naiba ang araw na yun. Ang kaibahan lang ay ng dumating kami sa bahay, nadatnan namin ang nanay ko at kasama ang tatlong ate nina Jan jan at Albert.
Tuwang- tuwa na sumalubong si Albert sa tatlo at inabot kay Pam ang karton ng pizza at humalik sa kapatid. Nag- uunahan naman na makakalapit sa akin si Jen at si Cindy. Nasa tarangkahan pa lang kami ng aming bahay, ng magpang- abot kami ng mga anak ko. Magalang na nagmano si Pam kay misis, at yumapos dito si Jen. Sa tatlo, si Jennifer ang pinakamalapit sa kanyang ina- ina- inahan.
Mga anak ko sa namayapa kong asawa, sina, Pam, Cindy, Jennifer at Albert. Si Jan Jan lang ang anak namin ni Misis. Namatay sa panganganak si Marie, at si Albert ang baby na yun. Si misis na ang nakilalang ‘mommy’ ni Albert. Nakarating kami sa loob ng bahay, na nakayapos kabilaan sa bewang ko ang dalawang maliit, at nakahawak naman si Pam sa binti ng karga- karga ko na si bunso. Nilapitan ko ang aking ina na tumayo sa pagkaka upo sa sofa sa sala at hinalikan ko sa pisngi, saka ko ibinaba ang karga ko na si bunso. Agad naman itong sumama kay Pam at diretso silang pumunta sa terrace.
” Pam, dalhin mo muna dito sa kwarto si bunso at bibihisan ko muna, ” Narinig kong sigaw ni Misis kay Pam na kasama ang mga kapatid nya sa terrace.
” Maiwan ko muna kayo inay at magbibihis din muna ako, at makapag- almusal na muna tayo. ” Sabi ko sa nanay ko, matapos kong samahan sa guest room namin para makapagbihis din. Nakita kong dinalhan ni Misis ng twalya at malinis na bihisan ang nanay ko, bago ako pumasok ng kwarto para magpalit ng damit.
” Maghanda kayo ng mga pampaligo nyo, at mag swimming tayo,” Sabi ko sa mga bata, matapos naming mag- almusal. Napatingin sa akin si Misis na nagtatanong ang tingin.
” Bukas na ang pool dyan sa club house ng homeowners association, doon tayo maliligo, ” Sabl ko kay Misis.
” Paano mo nalaman? ” Tanong niya sa akin.
” Ako ang kasalukuyang pangulo ng homeowners association. ” Sagot ko naman.
” Bakit di ko alam? ” Muling tanong nya.
” Di mo naman inaalam ang mga activities ko di ba? ” Napatango- tango siya, at tinulungan na maghanda ang mga bata ng mga pampaligo nila.
Kinagabihan, maaga natulog ang mga bata at napagod sa kalalangoy sa pool. Napagod ako sa pagbuhat paroo’t- parito sa cooler na dala namin na lagayan ng yelo at mga softdrinks.
Nakaupo ako sa upuan ng garden set sa terrace at sumisimsim ako ng isang malamig na beer in can, ng lumapit si Misis. Hinatak nito ang isang upuan at tumabi sa akin. Langhap ko agad ang preskong amoy ng mahabang buhok ni Misis.
” Mukhang malalim ang iniisip mo? ” Sabi nya, na idinantay ang hita nya sa hita ko. Kinapa ko naman ang ibabaw ng duster nya.
” May ‘tapal’ yan, ” At pablrong kinagat ako sa tenga. inakbayan ko siya at kinabig ko palapit sa akin.
” Napansin mo ba, parang kailan lang, ngayon, ang laki na ng mga bata. ” Sabi ko na hindi siya tinitingnan.
” Next year, gusto ko dito na ang tatlo, okay lang ba sayo yun? ” Tanong ko sa kanya. Dinala ko ang tatlo doon sa Camarines, kasi hirap sa pagbubuntis si Misis sa bunso namin. At katabi lang ng bahay namin ang eskwelahan sa Camarines, kaya naisip kong di mahihirapan ang mga bata sa kanilang pag-aaral.
” Okay na naman ako, ” Sabi pa ni Misis.
” Kailangan na siguro, bumili na tayo ng sasakyan, ” Sabi ko pa, ” Tiningala nya ako, mula sa pagkakahilig ng ulo nya sa dibdib ko.
” May budget ka na? ” Tanong nya.
” Malayo kasi ang school dito, necessity ang sasakyan, ” Paliwanag ko sa kanya.
” I can drive, ” Sabi nya na parang excited sa prospect na bibili kami ng sasakyan.
” We’ll see tomorrow. I’d go for a van. Grandia o Urban. ” Sabi ko pa. Bigla siyang tumayo at kumandong sa akin.
” Sabi ko na, na yung ginagabi ka, at minsan ay dumarating kang parang lantang gulay, ay nagtatrabaho ka ng higit, para sa amin ng mga anak mo, ” Madamdaming sabi nya, at hinalikan nya ako sa bibig.
” At pasensya na hon, kung pinabantayan kita sa opisina, ” Pangungumpisal nya.
” Pinabantayan mo ako? ” Tanong ko. Tumango siya.
” Kay kamag- anak. Lingid sayo, ay ipinararating sa akin ni Aileen kung anong oras ka naalis sa office, kung may babae na napunta sa office mo, at may mga babae na natawag sayo, lahat- lahat ay ipinararating nya sa akin, ” Pinilit kong wag mangiti sa pangungumpisal nya. Ang bantay nya ay masarap sumalakay.
Hindi agad ako nakatulog ng gabing iyon. Sinilip ko ang nanay ko na natutulog sa guest room namin. Napagod ang butihing nanay ko sa byahe. Hinalikan ko siya sa pisngi at inayos ko ang kumot nya at inalagay ko sa low ang fan ng aircon at maingat kong isinara ang pinto.
Sunod kong sinilip ang apat sa kanilang silid. Nagpagawa ako ng dalawang double bed na bakal noong di pa pinagbubuntis ni misis si bunso, at sa bahay pa nakatira ang tatlo. Sa unang double bed ay si Pam ang nasa itaas, at si Jen ang nasa ibaba. Sa pangalawa, ay si Cindy sa itaas at si Albert sa ibaba. Sl bunso ay nag-iisa sa kanyang kwarto. Matapos halikan isa-isa ang mga anak ko ay inilagay ko sa medium cool ang aircon at isinara ko ang pinto.
Huli kong sinilp si bunso. Para itong pinilas sa ina nito. Pati nag iisang dimple ni Ellaine ay kinuha ni bunso.
Pagkagaling ko sa kwarto ng mga bata ay dumiretso ako sa study room. Binuksan ko ang laptop ko at nag search ako sa mga dealer ng kotse. Nag inquire ako sa presyo ng cash at terms. Ipinapangako kong ibibigay ko ang lahat ng luho at alwan sa buhay sa aking mag-iina. Kahit pa magkaroon ako ng pangalawang pamilya!
Kinabukasan, tinawagan ko ang dealer at humingi ako ng appointment sa kanilang showroom. Gusto kong i- test drive ang napili kong modelo after lunch.
Kabababa ko lang ng telepono ng kumatok sa pinto ng office si Aileen, at kasamang ang babae na nagpakilalang anak ni Carmen. Higit na mas maganda ngayon ang babae. Higit na kaakit- akit.
” It’s okay, Aileen, I know her, ” Sabi ko, ng mapansin ko na hindi tumitinag sa pagkakatayo si Aileen sa likuran ng anak ni Carmen.
” Please have a seat, Ms. Dela Real, ” Sabi ko pa sa bagong dating. Tumalikod naman si Aileen para lumabas na ng pinto, matapos mag iwan sa akin ng makahulugang tingin.
Matagal bago nagsalita ang anak ni Carmen, napuna kong parang pinaliliguan nya ako ng tingin habang abaia ako sa pagbasa sa Daily planner ko. Wala siyang prior appointment sa akin, kaya tinatapos ko muna ang daily routine ko, bago ko siya harapin.
” Naka istorbo, ba ako, Engineer ? ” Narinig kong sabi nya, makaraan ang ilang sandali na katahimikan sa aming pagitan. Siya ang tipong hindi sanay paghintayin.
” Oh, not at all. Ms. Dela Real, it’s a pleasure to have you, here! ” Sabi ko, na tumayo ako sa aking upuan at inabot ko ang aking kamay bilang pagbati.
Nang abutin nya ang aking kamay, hindi ko alam kung imahinasyon ko lang, pero ramdam ko ang pagkakapisil nya sa aking kamay, at may init na gumapang mula sa mala-sutla nyang palad, patungo sa palad ko at nanulay patungo sa ibaba ng aking puson. Saglit na nagkatitigan kami. Ako ang unang nagbaba ng tingin. Parang nangangamba ako na maramdaman nya na napupukaw ang pagnanasa ko sa kanya.
” Patty na lang. And if I may, I’ll call you, Teddy? ” Sabi nya na nakatingin sa mukha ko na parang binabasa ang aking reaksyon.
” It’s okay, you can call me Ted, your mom is an acquaintance, ” Sagot ko sa kanya ng nakaupo na ako at sa matayog nyang ilong ako nakatingin habang nag uusap kami, Iniiwasan kong matutok ang tingin ko sa ‘nagmumura’ nyang cleavage.
” Yun nga ang curious ako, Ted, I know my mom so well, at ngayon lang siya bumaba sa kanyang winery, just to see a guy down, ” Sabi pa nito.
” Anyway, kaya ako nag punta dito, kasi, I have a project which we can collaborate, ” Seryosong sabi nya at may inilabas siyang ilang piraso ng retrato na inilapag nya sa harap ko.
” My late Dad, gifted me on my 18th birthday, an island, in Palawan. ” Pagpapatuloy nya. Inabot nya sa akin ang aerial shot ng isang isla.
” And it becomes an obsession since then, for me to turn this gift from my late Dad, into an island resort.” Sabi pa nya na di ko maiwasang sundan ang bawat sinasabi nya na tinititigan ko ang mga labi nyang parang laging nag aanyayang mahagkan.
” Are you listening Ted? ” Untag nya sa akin. Tumango ako, at kinuha ko sa kamay nya ang iba pang larawan ng isla. Hinawakan nya ang kamay ko, at tinitigan nya ako.
” I have already a fifty million pesos to cover for its development. Pag kinulang, I need your help to convince my mom to finance the project.” Diretsa nyang sabi habang pisil nya ang aking kamay.
” Isasama mo ako sa sight inspection mo sa Palawan? ” Tanong ni Aileen ng tawagin ko siya sa office, nang makaalis na si Patty.
” Gift ko sa’yo, two nights and two days tayo doon. Flight tayo ng Friday afternoon, at Sunday ng gabi, balik na tayo ng Manila.” Sabi ko sa kanya na tinititigan ko ang malalambot nyang mga labi. Dumukwang siya at hinalikan ako sa pisngi.
” Yun lang? ” Reklamo ko sa paghalik nya sa aking pisngi.
” Mabuti nga,hinalikan pa kita, eh napansin ko kayang muntik ng malaglag ang laway mo ng makita mo ang super sexy mong bisita,” Sabi nyang inirapan ako pero nakangiting lumabas.
Bago ako lumabas para maglunch break ay lumapit ako sa work station ni Aileen.
” Nag order ako ng lunch mo, hintayin mo na lang, ” Sabi ko na hindi ko na hinintay ang reaksyon nya at tuloy- tuloy na akong umalis.
Nagpaikot- ikot ako sa EDSA, at pumunta ako sa Commonwealth, hindi na ako huminto. Nakita ko lang na nakakabit na ang glass door sa project namin doon.
Nang makabalik kami sa show room matapos kong i-test drive ang napili kong van ay pinirmahan ko ang mga papeles na kailangan para sa binibili kong sasakyan. Sa pangalan na ni Misis ang lahat ng dokumento para sa pagmamay-ari ng binibili kong sasakyan.
Halos di makapaniwala si Misis, ng iabot ko sa kanya ang susi at ang mga papeles ng sasakyan. Tuwang- tuwa naman ang apat ng iikot ko sila sa loob ng subdivision at saka kami lumabas, matapos kong daanan ang nanay sa bahay, at isinama kong maghapunan sa isang restoran sa labas ng subdivision. Pabalik sa bahay, si Misis na ang nagmaneho.
” Hon, sobrang pinasaya mo ako, ” Sabi sa akin ni Misis ng magkatabi na kaming nakahiga.
” How is tnat? ” Tanong ko sa kanya.
” Heh, syempre, sa binili mong Van, ” Sabi nya na dumapa at ipinatong ang pisngi nya sa dibdib ko. Kinurot-kurot ko ang pisngi nya habang nakatingin ako sa kisame.
” Kung alam ko lang na mapapasaya kita sa pamamagitan ng Van, matagal na sana kitang ibinili, ” Sabi ko sa kanya.
” Cash ba yan, hon? ” Tanong nya pa. Tumango ako.
” Naka apat na kaming projects na natapos worth ninety millon. Katatawag lang kanina ng Cagayan de Oro, nanalo kami sa bidding. Patapos na rin ang sa Iligan at sa Naga.Then, meron akong prospect na project which could cost more than fifty million, ” Sinasabi ko ito, ay naka upo na si Misis sa ibabaw ko at hawak-hawak ang kwelyo ng pangtulog ko.
” Naiiyak na ako sa tuwa sa sinasabi mong iyan hon, to think na pinagdududahan kita…” Ganito ka- OA minsan si Misis, pero, isa ito sa mga ugali nyang aliw na aliw ako.
” Lumalaki na ang mga bata, so, lumalaki din ang mga expenses natin. I am thinking of a business for you to manage, ” Seryoso kong sabi sa kanya.
” I want you to be independent of me, financially and otherwise. Paglalaanan ko kayo n…