**
10am. Nagising ako sa lakas ng busina ng auto sa labas. Hindi ko pa man nakikita kung sino ang nasa labas ng bahay ko, alam ko na kung sino iyon. Bumangon ako at dali-daling lumabas para buksan ang gate. Naglakad ako pabalik ng bahay na hindi nilingon ang taong nasa kotse. Badtrip ako dahil inaantok pa ako.
“Hey Basterd! I’m not going in! Maligo ka na! 10:30 dapat nasa bahay ka na!” Dire-diretso pa rin ako sa paglakad papasok ng bahay. Alam ko na ang pwedeng mangyari: Bababa sya ng kotse at susundan ako papasok ng bahay or hihintayin nya ako sa labas hanggang makatapos ako mag prep ng sarili ko.
And sure enough, hindi pa man ako nakakapasok sa kwarto ko, narinig kong sumara ang pinto ng kotse sa labas. Dahil manipis at see through naman ang kurtina ng kwarto ko, hindi ko rin napigilan na silipin ang tao sa labas.
Si Martine.
Nakapyjama syang stripes na blue at white na pinatungan ng black na robe na hanggang tuhod. Nakapusod ang kanyang buhok at naka wayfarer na red. Ang matindi ay naka bedroom slippers pa sya na may ulo ng lion na akala mo shoes ni Ronald McDonald sa laki. Tumigil sya para kausapin ang isang taga village na nagbibisikleta. Siguro pinansin ang get-up nya dahil nagtatawanan silang dalawa. Eh kahit ako naman sa sarili ko ay matatawa rin sa kahitsurahan nya, which I am unconsiously doing right now.
Lumayo na ako sa bintana nang makita kong papasok na ng bahay si Martine and a few minutes later, andito na sya sa kwarto ko. Si Martine. Ang best friend ko since gradeschool. Maputi, 5″4 ang height, katamtaman ang kurbada ng katawan at maamo ang kanyang hugis pusong mukha. Gustong-gusto kong tinititigan ang almond-shaped nyang mga mata. Manipis ang kanyang mga labi na ginagawa nyang pouty “para daw sexy”.
“Basterd boy!” Patakbo syang sumampa at nahiga sa kama ko. Naka spread eagle sya, nakatingin sa ceiling.
“I’m hungry na! Hindi ka pa ba mag shower ha, Basterd?”
“Eto na nga!”
“Hurry up dude, gutom na ako!”
Pumasok ako sa bathroom at mabilis na ini-lock ang pinto. Hinubad ko ang aking damit at tinitigan ko ang sarili ko sa salamin. Hindi naman ako sobrang gwapo or macho, but I know for sure na may dating ako. Palagi kong iniisip na kung girlfriend ko sana si Martine, bagay na bagay kami. Sana. Pero gustuhin ko man na ligawan sya, iba ang gusto nya. Kaya eto ako ngayon, kagaya ng palagi kong ginagawa, papalipasin ko na lang ang lahat ng frustrations ko, kasama ng init ng katawan ko.
Tumapat ako sa ilalim ng shower sabay pihit ng knob. Naramdaman ko ang maligamgam na patak ng tubig sa aking katawan, ipinikit ko ang aking mga mata habang iniimagine ko na akap ko si Martine. Sigh. Lecheng pag-ibig ‘to!
Like the usual, mabilis lang ako natapos. Nagspray ako ng deodorant, nag toothbrush at nag ayos ng buhok, pagkatapos ay isinuot ko and bagong boxers na nasa cabinet ng CR ko. Kahit noon pa man, dahil bigla-biglang dumadating si Martine sa bahay ko at iniinvade nya ang kwarto ko, naglagay na ako ng cabinet sa loob ng CR for situations like this. Mahirap na, baka ma-inlove pa sya sa akin pag nakita nya si junior ko. Asa.
Paglabas ko ng bathroom, hindi na ako nagulat na nakabihis na rin si Martine. Palagi naman nyang nire-raid ang laman ng wardrobe ko. Suot nya ang white t-shirt ko na v-neck cut.
“Oh san galing yoga pants mo?”
“Definitely hindi sa wardrobe mo kaya malamang suot ko underneath my pyjamas!”
“Weird mo!” Sabay hampas ng towel ko sa pwet ni Martine.
“Whatever!”
Kumuha rin ako ng white t-shirt sa stack at pinigilan pa ako ni Martine, ibang kulay daw gamitin ko pero bakit ba? Ang init kaya! Mas presko kapag white lang ang suot ano. Niloko pa nya ako na nagkaka six pack abs na ako, bagay na alam kong istir lang dahil ang tanging workout ko ay ang paggulong sa kama ko.
Papalabas kami ng bahay nang makasalubong namin si Mama, katatapos lang nya mag grocery. “Hi Tita! Good morning po!” Sabay kiss ni Martine kay Mama. Nag kiss rin ako after nya. “Tita, tulungan na po kita.” Magalang na sabi ni Martine pero tinanggihan sya ni Mama dahil tumatakbo nang lunapit si Betchay, ang kasambahay namin.
“Saan na naman ang gala nyong dalawa?” Nakangiting tanong ni Mama kahit alam naman nya saan kami palagi napunta. Ngumiti lang kami pareho. “Nakaligo naman na ba at least yang si Baste, ha Ija?” Tumawa lang si Martine, sabay akap sa Mama ko. “Alis na po muna kami, Tita. Don’t worry naligo naman po si Baste.”
Pumasok kami sa SUV nya at umalis na rin in a few minutes. “Wildflour muna tayo. Gutom na ako.” Sabi ni Martine.
“Tawagan mo na lang si Mamey, sabihin mo magluto sya ng The Works. Wala ako sa mood mag Wildflour!”
“Wala si Mamey sa bahay, may Zumba daw sila ng mga tropapips nya. Taray diba?!”
“Linggo-linggo na tayo sa Wildflour.
“Shut up, Basterd. Wildflour tayo.” At dahil boss sya ng puso ko, shut up na nga lang ako.
Tumingin na lang ako sa instagram feed ko. Makapang-stalk na lang muna ng ibang babae.
“Mate, nasa Bellaroca pala si Star at Tori?!”
“Yup.” Maikling sagot ni Martine.
“Ang sexy ng pinsan mo, MILF!”
“Hm.”
Lumingon sya sa akin, at kahit hindi ko nakikita ang mga mata nya, alam ko na nakatingin sya, the way na tinitingnan nya ako kapag may gusto syang sabihin, pero iniisip pa nya if worth ba na sabihin pa.
“What? Let it out!”
“Wala.” Sabay tingin sa daan.
“May sasabihin ka. Ano na?!”
Ngumiti si Martine. “Palagi mo sinasabi na MILF si Star. You’re damn right, she is! But every single time na binibigyan kita ng chance makapag da-moves sa cousin ko, palagi ka na lang natotorpe. Torpe ka kasi.”
“Grabe ka naman, Mate.”
“Truth hurts, Basterd. Suck it up.”
Hindi na ako sumagot, bumalik na lang ako sa pag-stalk sa instagram ko.
“Kagaya nyang si Tessa. Ang pretty nya noh? Pero kahit ilang oras mo syang titigan, hindi magsasalita yang picture para sabihin na ‘Hi Baste! Coffee tayo?’ Ask her out! Dalawang bahay lang layo nya sa bahay ko ‘noh!”
Ang dami nyang binanggit na pangalan. Mga babaeng gusto ko, oo. Pero hindi kasing level ng pagkagusto ko sa bestfriend ko. Gusto ko nang sabihin na “Paano kung ikaw na lang kaya? Kasi ikaw lang naman talaga ang gusto ko.” Pero sabi nga nya, torpe ako. Kaya hindi ko magagawa ‘yun. Para tumigil sya, pinakita ko ang isa pang picture sa instagram….