Nagumpisa ang lahat sa pangatlong taon sa kolehiyo. Si Alexandra Anne Tan-Felipe ay ang chinitang unica hija ng kaniyang mga magulang, pangatlo sa apat na anak. Sheltered kung tatawagin si Allie kung tawagin ng kaniyang pamilya, bilang pinag-aral ito sa mga exclusive school sa may Ortigas, elementary dun sa may kaakibat na boy’s school, at nang mag high school ay lumipat dun sa malapit sa ADB, dahil naisip na din ng mga negosyanteng magulang na makakabuti na medyo mag spread din ang wings ng kanilang prinsesa, at hindi lumaking nene ang datingan. Naniniwala ang mga Tan-Felipe na dapat capable ang mga anak nila, walang lalaki na brat, kaya ang mga kuya at bunso ay ganun din ang siste, sa brother school ni Allie nung grade school bago ilipat sa paaralang heswita noong magsipag high school sila.
Tagumpay naman ang magulang, at kahit laki sa rangya ang apat na anak ay hindi ito lumaki na mga tuod sa diskarte ng buhay. Marunong mag-commute pag kinakailangan, hindi madaling maloko, hindi tatanga-tanga. Mganda din ang mga grado ng mga magkakapatid, lalo na si Allie na with honors pa ang nakamit na grado, kaya nang mamimili na ng paaralan para sa kolehiyo, walang tumanggi sa dalaga. Napili niya na maging isang architect at interior designer tulad ng ina, at ang napili niyang kolehiyo ay yung nasa U-Belt na tanyag sa arts and architecture program.
May isa lamang na siguro, hindi napaghandaan ng magulang; ang palakihin si Allie na may kaalaman sa sex. Oo, andun na tayong alam niya ang basic biology. Ang kahirapan ay talagang lumaki si Allie na hindi curious sa sex at all. Talagang wala sa interes niya. Di naman natin sinasabing tuod ang dalagita, pero nagka-crush man, nagkaroon man ng kaalaman, talagang di lang sumagi sa interes niya ang bagay na ito, at dala nang exclusvie schools ang mga paaralan niya, wala din naging sitwasyon na mag-experiment. Sa madali’t sabi, hindi man tatanga-tanga, inosente si Allie sa larangan ng laman.
Uneventful ang unang dalawang taon ng dalagita sa kolehiyo. Nagkaroon ng mga kaibigan, nag-aral, nabarkada sa mga kaklase niyang halong nag-eensayo ng martial arts at spartan endurance, kaya ang pinaka libangan ni Allie ay ang mag-train, lalo na at nakapag taekwondo ito nung bata pa. lumaki ang social network ni Allie, at dahil nga naging kilala din bilang mahusay na estudyante sa larangan ng martial arts kahit papaano, tahimik ang buhay ng sumisibol na chinita.
Marami din naman ang nakakapansin sa angking ganda at kabaitan ng dalaga, at ang isa sa mga ito ay ang kaklase nitong si Darren. Nerdy-looking si Darren, at dahil may pagka tahimik ay napagkakamalan lalong isang nerd, ngunit sa katotohanan ay kasabayan ito na mag train sa spartan ni Allie. Para kay Darren, napaka cool ni Allie, at maging si Allie naman ay may interes sa mga collectible toys, kaya magkasundo sila ng husto ng kaklaseng kasama din mag-ensayo. Maaaring sabihin na hindi man tahasang panliligaw, madalas din magkayayaan mag cheat meal ang dalawa matapos ang ensayo, at hindi mo sila makikitang magkasama na walang hawak na isang bucket ng bilog na donuts.
Second sem ng pangatlong taon, nagkayayaan ang martial arts barkada ni Allie na pumunta sa isang party ng basketball team ng isa sa mga kolehiyo. Matunog ang mga ganitong event sa athletics circles ng mga unibersidad at kolehiyo dahil ang katotohanan ay mas maliit ang mundo kaysa sa iniisip natin. Nang gabing iyon, kasama ni Allie…