Gabi na ng matapos ang klase ni Megan at kasalukuyan niyang pinapauwi ang kanyang mga estudyante.
“Uy, Jenny, ikaw na lang ang natitira,” sabi ni Megan sa estudyante niyang si Devon Sy. “Gabi na o.”
“Naku, ma’am,” ngiti lang ni Devon. “Okay lang po ako. Malapit lang naman po ang bahay namin dito. Wala po akong dapat ikatakot.”
May angking kagandahan din itong si Devon tulad ni Megan. Isang Tsinita na may 26 na si Devon at may tangkad naman na 5’6″ at may petite na body type. May maikli itong gupit na pixie cut at nagtratrabaho ito bilang isang model kapag wala ito sa iskwela.
“Aba, may tao pa pala dito!” dumungaw sa may pinto ang isa pang magandang babae.
“Principal Sanchez!” gulat ni Megan. “Ay, good evening po!”
“Good evening po, principal,” sabi ni Devon ng medyo nahihiya at natatakot. Kung tutuusin nga naman, sinong estudyante ba ang hindi natakot sa principal? Pero ang totoo, wala naman talaga dapat ikatakot si Devon dahil mabait at mapagmalasakit naman si Principal Haven Sanchez.
Pumasok sa room si Haven at tinignan si Megan habang nag-aayos ito ng gamit.
“Ginabi yata klase mo ngayon Megan,” sabi ni Haven. “May naging problema ba?”
“Wala naman po,” sagot ni Megan. “Medyo mahaba lang kasi iyong lesson. Anhirap kasi ipaliwanag iyong rules ng hockey lalo na’t hindi naman kasi iyon uso dito sa Pinas.”
May edad na 41 na si Haven pero masasabing napakaganda pa rin niya. Tulad ni Megan, P.E. teacher din ito dati at nagsisikap itong mag-exercise araw-araw at sumasali pa nga sa mga bodybuilding competitions. May tangkad naman na 5’10” si Haven at may pagka maskulada. Naka bob cut naman ang kanyang buhok nito at masasabi siyang isang Spanish beauty.
“Ms. Sy, hindi ka pa ba uuwi?” tanong ng principal.
“Uuwi na din po ma’am.” sagot ng estudyante.
“Hatid na kita,” sabi ni Haven. “Malapit lang naman bahay niyo, ‘di ba?”
“Uh, opo,” ngiti ni Devon. “Sige po, sabay na lang ako sa inyo.”
Lumabas ng pinto si Devon at tumango lang si Haven bago umalis. Naiwan ng mag-isa sa classroom si Megan. Matapos umano ang ilang minuto, pinatay ni Megan ang ilaw sa classroom, lumabas dito at ni-lock ang pintuan sa likod niya. Ngunit imbes na bumaba para lumabas ng school building, umakyat ito sa 13th floor ng school building na kailanman hindi ginamit ng kahit sinong guro o mag-aaral. May dala din siyang malaking bag na kulay itim na kanina lamang ay nakatago sa ilalim ng mesa sa harap ng classroom.
Maraming kuwento ang umiikot sa ika-13 na palapag ng school building at karamihan dito ay hindi maganda. May mga nagsasabing sinumpa daw ang nasabing palapag at madidisgrasya ang sinuman na manatili dito. Sabi naman ng iba ay pinagpupugaran daw ito ng mga multo at magpapakita daw ang mga nasabing multo sa kung sinuman ang mga nasa 13th floor pag gabi. May mga pumunta mang mga janitor o security guard sa ika-13 na palapag, dumadaan lang sila dito para maabot ang 14th o 15th floor. Pero, base sa natuklasan ni Megan, ang nilalaman ng 13th floor ay mas malala pa sa kahit anong sumpa o multo.
Walang ka ilaw-ilaw sa 13th floor maliban sa liwanag na nanggagaling sa labas. Wala rin kalaman-laman ang palapag dahil hindi din ito ginagamit bilang imbakan ng kahit anong gamit. Tila parang alam ng mga may-ari at staff ng paaralan na pinagpupugaran ito ng kasamaankaya hindi na lang nila ito pinapansin o ina…