Kinabukasan ay muling bumalik si Vivian sa San Bartolome upang ipagpatuloy ang kanilang libreng serbisyong medikal. Sa pagkakataong ito ay kasama na niya ang boyfriend niyang si John. Mas dumami na ang nagpunta sa kanilang libreng check up matapos maipaliwanag ni Ella ang maitutulong nito sa kanila.
Pasyente: Doktora pasensya na kayo sa inasal ko nung isang araw ha.
Vivian: Ay naku wala po yun. Parte ng trabaho namin yan.
Nagpatuloy si Vivian at John sa kanilang ginagawa at tumulong naman sa kanila si Ella na planong maging doktor. Sobrang dami nang nagpa check up sa kanila at gabi na nang matapos sila. Nagpaalam na si Ella kila John at Vivian matapos ang kanilang ginagawa. Naglakad na sila John at Vivian papunta sa kanilang sasakyan na nakaparada sa Kalye Tambayan.
Habang naglalakad sila papunta sa kanilang sasakyan ay muli siyang inabangan ng mga tambay. Naihi sa pantalon si John dahil sa takot at iniwan ang kanyang nobya. Walang nagawa si Vivian ng mga oras na iyon at muling humingi ng saklolo at agad namang dumating si Ambet. Muli niyang ipinagtanggol ang dalagang doktora at napatumba niya ang mga tambay na ito. Agad din naman siyang tumawag ng pulis upang makalaboso ang mga loko. Matapos maaresto ang mga tambay ay biglang nawala na si Ambet sa eksena.
Kinabukasan ay pinuntahan ni Vivian si Ambet sa kanilang bahay. Mainit naman siyang tinaggap ng nanay niyang si Paula at kapatid niyang si Ella. Matapos papasukin sa bahay ay iniwan na muna ng mag ina sila Ambet at Vivian upang makapag usap.
Ambet: O ano atraso ko sa iyo ngayon?
V…