Matapos ang tampuhan nila Vivian at John ay masamang masama pa rin ang loob ng dalaga sa kanyang boyfriend. Hindi kasi niya lubos na maisip na pwede pala siya nitong iwan sa oras ng kagipitan. Botong boto din kasi ang mga magulang ni Vivian na sila Alfredo at Pacita sa doktor.
Kinabukasan ay muli siyang dinalaw ni John upang muling suyuin ang kanyang damdamin ngunit maayos na niya itong tinanggihan. Pormal na rin niyang tinapos ang kanilang relasyon matapos ang pangyayari. Masakit ito para kay Vivian dahil mahal na mahal niya si John pero nagpakita na ng tunay na ugali ang kanyang nobyo. Masakit ito para sa kanya pero kailangan niya itong gawin. Katakot takot na luha ang kanyang iniyak kay John.
Upang malimutan si John ay mas naging aktibo pa si Vivian sa pagbibigay ng libreng serbisyo medikal kasama ang kanyang grupo sa iba pang karatig bayan ng San Bartolome. Katuwang din niya dito ang kapatid ni Ambet na si Ella at umabot na na parang kapatid na ang turing niya dito. Umabot ng anim na buwan bago tuluyang nakapag move on si Vivian sa break up nila ni John at nag babakasakaling tuluyan nang maghilom ang sugat sa kanyang puso.
Sa kabilang dako naman ay malaki na rin ang pinagbago ni Ambet lalo na sa pag uugali. Pinalad naman siyang makapasok bilang empleyado sa isang printing press habang tinatapos niya ang kursong Mechanical Engineering. Mas naging responsable na din siya at madalas niyang sunduin ang kanyang kapatid tuwing tumutulong kila Vivian.
…