“Eto naman. Para hindi ka na bumili ng pagkain sa daan.” Katwiran ni Mama.
Wala naman akong nagagawa kaya tinanggap ko na lang.
Naglakad na ako palabas ng pinto. “Wag nyo na po akong ihatid, malapit lang naman yung kanto.”
“Sige, wala rin kasing kasama si Andeng sa tindahan kaya pupuntahan ko muna.” Niyakap at humalik sya sa akin. “
” Para namang hindi na tayo magkikita nyan e. Ayaw nyo pa kasing sumama sakin, kayang kaya ko namang gastusan yun para sa inyo. Malaki laki rin ang nakuha kong separation pay sa dati kong trabaho. “
“Naku! Sa susunod na. Sya, mag iingat ka don ah. Pasalubong. Tatawag ka pagkarating mo don.”
” Opo. Sige Ma. Alis na ko.”
Naglakad na ako palabas ng gate namin. Habang naglalakad palabas ng kalye ay may nadaanan akong dalawang lalaking nakaupo sa gatter at umiinom ng softdrinks.
“Pre chicks oh.” Narinig kong sabi nung isa. Pagkatapos ay sumipol ang isa sa kanila. Hindi ko alam kung sino dahil hindi ko naman sila nilingon.
“Nea, ang seksi mo naman ngayon. Gusto mo ihatid ka na namin. Saan ba ang punta mo?” Sabay tawa ng malademonyo. Mga dakilang tambay sa street namin. Madalas ko silang makita kapag papasok o kaya ay uuwi n…