==03==
Pasado alas diyes na nang magising ang dalawa. Unang nagising si Tyra at dali-daling ginising itong si Jake. Napasarap ang mga tulog nila at nakalimutan naman mag set ng alarm sa kanilang mga cellphone.
“Love! Love! Gising na! Late na!”
Bumalikwas naman ng tayo si Jake at tumingin sa orasan. Hindi na ito nagmadali nung makita niyang 10:54am na. Wala na rin siyang magagawa kung sakaling abutan sila ng magulang ni Tyra dito. Hindi naman palihim sa magulang ni Tyra ang kanilang relasyon ngunit medyo konserbatibo pa ang mga ito sa ganitong bagay at ayaw naman iyang abusuhin ang kabaitan ng mga magulang nito. Nakita niya si Tyra na abala sa pagbabasa ng mga mensahe sa kanyang cellphone at niyakap na lang niya ito. Ibinaon niya ang kanyang mukha sa kilikili nito at antok pang nagtanong.
“San na daw sila?”
“Nagbibihs na daw! Ano sasabihin ko?”
“Sige, sabihin mo sa ate mo, parating na ako dito sa bahay niyo tas magmemessage ka kamo sakin na daanan na sila dun. Ako na susundo sa kanila.”
“Oh, sige, sige! Buti pa!”
Pareho naman silang nakahinga ng maluwag sa kanilang naisip na plano.
“Bangon ka na dyan, gawa na kita ng kape mo.”
“Sige, sunod na ako sa baba. Quick shower lang ako para naman hindi ako mukhang bagong-gising pag harap sa kanila.”
“Oh sige, bilisan mo na ah?”
Siniil siya ito ng isang matamis na halik at humawak pa sa pisngi niya bago tuluyan nang bumangon at lumabas ng silid. Pinagmamasdan lang niya ang magandang kurba ng katawan nito habang papalabas ng pinto at tila bumagal ang mundo niya dito. Makalampas ng pinto ay bumangon na rin siya upang maligo.
Ilang minuto lang ay nakababa na rin si Jake at nandun na nga si Tyra sa hardin at ang dalawang tasa ng kape pati na rin ang kanyang sigarilyo. Yumakap ito sa likod ni Tyra at hinalikan sa leeg.
“Good morning, babe… namiss kong pinagsisilbihan mo ko ng ganyan.”
“Basta ba ako lang ang gagawa niyan para sayo eh.”
“Oo naman, babe! The flavor of coffee doesn’t come from it’s ingredients. It comes from who made it.” Halik nito sa pisngi ni Tyra.
“Ayan eh, ang aga nanaman magpakilig ng mahal ko!”
“Syempre! Pucha, mahirap na baka may ibang magpakilig sayo, babangasan ko ng bungo yun!”
“Asuuuuusss…. hayaan mo silang mamatay sa inggit. Sayo lang ako, love.”
Tumitig ito ng matagal sa mga mata ng kanyang nobya at halos bulong na lang ang mga salitang lumabas sa kanyang bibig. “As I am, to you.”
“Oh, bilisan mo na dyan. Sinabihan ko na sila na ikaw ang magsusundo sa kanila.”
“No problem. Ganito, message mo is ate mo. Sabihin mo, nagmessage ka sakn pero di ko nabasa kasi nagda-drive ako. Nakarating na ako dito sa bahay and pinagkape mo lang ako saglit. Para di naman sila magtaka.”
“Taba talaga ng utak eh noh!? Basta sa kalokohan!”
Ito naman ang mga nagustuhan nila sa isa’t-isa. Sa kabila ng mga edad nila at ng mga naabot nila sa buhay ay ang kanilang kakulitan sa buhay. Si Jake ay 40 anyos na ngunit maalaga din ito sa kanyang sarili kaya hindi halata sa kanya ang kanyang edad. May taas na 5’9″ at mahilig pa rin maglaro ng basketball at football kaya malakas pa rin ang kanyang pangangatawan. Malaki ang kanyang pangangatawan at malapad ang kanyang likod. Ang kanyang gupit naman, sa loob ng halos dalawampung taon ay kung hindi kalbo ay crew cut. May mga tattoo ito sa binti at hita at madalas pa siyang naka shorts lang tuwing lumalabas kaya madalas din siyang mapagkamalang pulis o bouncer dahil dito. Sa opisina naman ay madalas siyang tawaging “The Rock” dahil sa hitsura niya. Isang trainer si Jake sa isa sa mga malalaking call center dito sa bansa at halos labing-limang tao na sa industriyang napili niya.
Si Tyra naman ay petite na babae at maganda ang kurba ng katawan. 34B ang mga suso nito na tayung-tayo pa rin sa kabila ng pagiging 36 anyos nito at ang kanyang puwet ang ang masasabing literal na “asset” dahil sa hubog nito. Hindi siya mabalakang ngunit bilog na bilog ang hugis ng mga ito na talaga namang bumabakat sa kahit anong shorts o pantalon na isuot nito lalo na ang kanyang slacks na uniporme sa kanilang paaralan. Nagiingat din siya sa kanyang kinakain at regular na nageehersisyo tuwing may pagkakataon kaya napapanatili niyang maliit at walang bilbil ang kanyang bewang. Hanggang siko ang kanyang tuwid na buhok na lagi niya ring pinapaalagaan sa salon. Ang kanyang kutis ay makinis dahil alaga ito sa lotion na halos oras-oras naman kung maglagay ito. Siya ang typical na babae na matagal mag ayos ng sarili ngunit hindi naman nagrereklamo si Jake dito dahil alam niyang nagpapaganda ito at inaalagaan ang sarili niya, para sa kanya. Hindi para makapang akit ng iba.
Maganda ang mukha ni Tyra ngunit hindi ito yung ganda na mukhang maamo kundi ganda na mukhang mataray. Literal na head-turner dahil tuwing na sa labas ito ay maraming lalake ang napapalingon sa kanya tuwing nakakasalubong ito. Kahit nakahawak siya sa braso ni Jake ay marami pa ring lumilingon na tinatawanan na lang nilang dalawa. Mataray o masungit naman talaga si Tyra at hindi ito pala kaibigan kung kani-kanino lang. Maging ang mga kapwa niya guro sa kanilang paaralan ay maraming gustong pumorma sa kanya hanggang ngayon ngunit nauunahan ng takot dahil sa kanyang matapang na personalidad. Ang height naman niyang 4’11” ay isa pa sa mga nakakapanlinlang ng kanyang hitsura. Tuwing sabado nga sa kanilang paaralan na walang naka uniporme, dahil na rin sa galing nitong magdala ng pananamit o porma ay ilang beses na siyang napagkamalang estudyante rin dito embes na guro. Madalas din siyang pinopormahan ng mga tatay o mga kuya ng mga estudyante dito ngunit walang nagtatagumpay dahil hindi niya gusto ang mga ito at ayaw niyang haluan ng kahit anong klaseng relasyon ang kanyang trabaho.
Inubos na nito ang kanyang kape at sigarilyo at nagpaalam na kay Tyra.
“Babe, alis na ko. Sabihin mo papunta na ako dun.”
“Sige, love. Ingat ka. Magsasaing na rin ako para dito na tayo mag lunch.”
“Gusto mo bang lumabas mamaya?”
“Pwede naman. Sige na, mamaya na tayo mag usap. Puntahan mo na mga yun.”
Sa kabilang subdivision lang naman ang binyahe niya at wala pa ring masyadong mga sasakyan kaya ilang minuto lang ay nandun na siya sa harap ng bahay ni Claire. Ang nakatatandang kapatid ni Tyra. Ayaw namang magpatawag na “ate” nito dito dahil Mas matanda pa ng isang taon si Jake dito. Magaang naman ang loob ng pamilya ni Tyra dito at hindi na nila itinuring pa ito bilang ibang tao.
“Hi Ate Claire!”
“Tigilan mo ko, sasampalin kita ng diaper ng bata diyan!”
Natawa naman ito sa bati ni Claire at yumakap siya dito. Si Claire naman ay may kakaibang ngiti at titig sa kanya pag bitaw niya dito na parang may alam siyang sikreto nito. Ngumiti lang siya dito at hindi na pinahaba pa ang sandaling iyon.
“Nay, Tay, mano po. Good morning po.”
“Good morning hijo. Nag almusal ka na ba?”
“Opo Nay. Galing na po ako sa bahay niyo eh sabi nga po ni Tyra na sunduin ko na lang po kayo. Nagkape muna po kami kanina dun bago nya po kayo pinasundo dito. Para hindi na rin po kayo mag commute.”
“Oh, sya. Tara na para makapag luto na ng tanghalian dun.”
Inalalayan na ni Jake ang dalawang matanda at sumakay naman si Claire sa harap ng sasakyan.
“Musta naman ang lockdown dyan sa inyo, Claire?”
“Hay naku! Kilala ko na siguro lahat ng butiki sa bahay!” Patawang hirit nito.
“Sa bahay din eh. Ilang ulit ko na pinanood mga series na nakasave sa HD. Buti na lang saktong dala ko yung laptop ng opisina kundi makikipag agawan ako sa laptop ni utol na malamang hindi rin magpapahiram.”
“Naku hijo, sana naman tapos na talaga yang sa virus na yan. Laking pinsala na nagawa sa bansa eh.” Singit naman ng kanilang ama.
“Opo, ‘tay. Sana nga po, tapos na po talaga.”
Nakarating na sila sa bahay at siya na ang nagbaba ng mga gamit ng mga ito at dinala sa sala.
“Nay, san nyo po gusto ang mga ito?”
“Naku, iwan mo na lang diyan at kami na ang magsasalansan ng mga yan mamaya. Kain na muna tayo.”
Nakapagluto na rin ng ulam si Tyra para sa kanilang lahat at sabay-sabay na silang nananghalian. Nagkuwentuhan na lang sila ng mga nakakatawang pinagkaabalahan nila para maiwasan ang inip nung kasalukuyan ng lockdown. Matapos ito ay pumasok na muna sa kuwarto ang mga ito para makapagpahinga. Si Claire naman ay umakyat na sa kanyang kuwarto para mag ayos ng gamit nito.
“Wanna go out?”
“Okay lang. Wala na rin namang gagawin dito. San mo gustong magpunta?”
“Ako, kahit saan, basta kasama kita.”
“Pero ang tanong, may mapupuntahan ba tayo?”
“Yun ang hindi…