“Ay, madam,” sabi niya sa mayamang babae. “Regular customer natin. Suki na siya dito.” Biglang lumingon ang babae, “Alam ko.” Laking gulat ko na ang mestizang babae ba iyon pala ay yung kausap ko sa chat. Ngumiti na lamang ako at yumuko.
“Kung suki ka namin dito, kailangan mo ng discount card. Heto.” Sabay kindat at abot niya sa akin ng kanyang calling card. Alam ko na ang ibig niyang sabihin.
Matapos kong magbayad, nagpaalam na ako sa kanilang dalawa. Ang tindi ng kapit ko sa calling card at parang may kung anumang puwersang nagsasabi na kailangan ko itong ingatan.
Paglabas na paglabas ko ng shop, naghanap agad ako ng tindahan para magpa-load ako at ma-text kaagad si Mam Kara. Sa wakas, nakatagpo din ako ng loading station sa kanto. Tinext ko kaagad yung babae.